वाघाशी झालेल्या झुंजीत बिबट्याचा मृत्यू झाल्याची घटना वाकडीच्या जंगलात रविवारी सकाळी उघडकीस आली.

वनपरिक्षेत्रातील कक्ष क्रमांक १७१ मध्ये वन कर्मचारी गस्त घालत असताना रविवारी सकाळी ८ वाजताच्या सुमारास बिबट मृत अवस्थेत आढळून आला. मृत बिबट्याच्या शरीरावर गंभीर स्वरूपाच्या जखमा आहेत.

परिसरात वाघाच्या पाऊलखुणा आढळून आल्या असून वाघ व बिबट्यामध्ये संघर्ष झाला असावा, असा अंदाज वर्तवण्यात आला आहे.