गडचिरोली : पुण्यात पोलिसांना शरण आलेला नक्षलवादी संतोष शेलार उर्फ पेंटर दोन वर्षांपूर्वी चकमकीत ठार झालेला नक्षल नेता मिलिंद तेलतुंबडे याचा अंगरक्षक होता. १४ वर्षांपूर्वी मिलिंद तेलतुंबडे आणि त्याची पत्नी अँजला सोनटक्के यांच्या प्रभावात येऊन संतोष नक्षलवादी चळवळी सहभागी झाला होता. तेव्हापासून तो बेपत्ता होता. प्रकृती अस्वस्थामुळे त्याने आत्मसमर्पणाचा निर्णय घेतल्याची माहिती पोलीस सूत्रांनी दिली आहे.

७ नोव्हेंबर २०१० रोजी पुण्यातील कासेवाडी परिसरातून संतोष शेलार(३३) बेपत्ता झाला होता. पोलीस दरबारी असलेल्या नोंदीत सुरवातीला कबीर कलामंचमध्ये सक्रिय असलेला संतोष पुढे नक्षल नेता मिलिंद तेलतुंबडे आणि त्याची पत्नी अँजला सोनटक्केच्या संपर्कात आला. नक्षलवादी चळवळीला शहरी भागात पोहोचवण्याची जबाबदारी घेतलेल्या तेलतुंबडे दांपत्याने त्यावेळेस मुंबई, पुणे परिसरातील अनेक तरुणांना नक्षल चळवळीत ओढण्याचा प्रयत्न केला. त्यात संतोषही होता. १४ वर्षांपासून तो गडचिरोली-छत्तीसगड सीमेवर सक्रिय होता.

youth of thane addicted to drugs school students soft target for drug peddlers
ठाणे : लक्ष्य शाळकरी मुले!
kalyan, Feeding Stray Dogs, Dog Loving Woman Threatened in kalyan, Dog Loving Woman Threatened with Death , Feeding Stray Dogs in kalyan, kalyan news, marathi news,
कल्याणमध्ये श्वानप्रेमी महिलेला नागरिकाची मारण्याची धमकी
Ganja, Charas, MD, thane,
ठाण्यातील तरुणाईला गांजा, चरस आणि एमडीचा विळखा; मागील दीड वर्षांत चार हजाराहून अधिक जणांविरोधात गुन्हे दाखल
Suraj revanna arrested
समलैंगिक अत्याचारप्रकरणी प्रज्ज्वल रेवण्णाच्या भावाला अटक; कोण आहे सूरज रेवण्णा?
50 lakh help to family of driver who was trapped in Versova Bay surya project accident
वर्सोवा खाडी सुर्याप्रकल्प दुर्घटनेत अडकून पडलेल्या चालकाच्या कुटुंबाला ५० लाखाची मदत
gadchiroli naxal leader giridhar marathi news
गडचिरोलीतील नक्षलवादी चळवळीला हादरा, जहाल नक्षलवादी नेता गिरीधर याचे पत्नीसह आत्मसमर्पण
poor quality liquor cause death
बनावट दारू विषारी कशी होते? पिणाऱ्यांच्या जीवावर का बेतते?
Akola, feet, Nana Patole, wash,
अकोला : कार्यकर्त्याने चक्क नाना पटोले यांचे पाय धुतले, नवा वाद निर्माण होण्याची चिन्हे

हेही वाचा : गोंदिया जिल्ह्यात अवकाळी पावसाची हजेरी

नक्षल्यांच्या विविध विभागात महत्वाच्या पदावर राहिलला संतोष चळवळीत ‘पेंटर’ म्हणून प्रसिद्ध होता. त्याने छत्तीसगड-गडचिरोली परिसरात अनेक हिंसक कारवाया घडवून आणल्या. त्याचे छत्तीसगड पोलिसांच्या ‘मोस्ट वाँटेड’ यादीत नाव होते. सद्या त्याला छत्तीसगडमधील बालाघाट जिल्ह्यातील मलाजखंड दलममध्ये ‘एरिया कमांडर’ पदाची जबाबदारी देण्यात आली होती. नक्षल नेता मिलिंद तेलतुंबडे याच्या खास मर्जीतील व्यक्ती म्हणून संतोषची चळवळीत ओळख होती. मिलिंदने त्याला अंगरक्षक म्हणून स्वतःच्या वर्तुळात ठेवले होते. परंतु दोन वर्षांपूर्वी गडचिरोली सीमेवरील मर्दिनटोला येथे पोलिसांसोबत झालेल्या चकमकीत मिलिंदसह २८ नक्षलवादी ठार झाल्याने चळवळीला मोठा धक्का बसला. विशेष म्हणजे, या चकमकीत ठार झालेल्यांमध्ये नक्षल नेत्यांची संख्या अधिक होती. तेव्हापासून नक्षलचळवळ खिळखिळी झाल्याचे चित्र आहे.

हेही वाचा : “प्रभू श्रीरामांप्रती काँग्रेसची आस्था तर भाजपचे राजकारण”, प्रदेश प्रवक्ते डॉ. सुधीर ढोणेंचा आरोप; म्हणाले, “आक्षेपांचे निराकरण झाल्यावर…”

त्यामुळेच अनेकांनी आत्मसमर्पणाचा मार्ग स्वीकारला. संतोषदेखील मागील काही महिन्यांपासून आजारी आहे. काही दिवसांपूर्वीच तो पुण्यात उपचाराकरिता आला होता. सद्या त्याच्यावर उपचार सुरू असून महाराष्ट्र दहशतवादीविरोधी पथक त्याच्यावर नजर ठेऊन आहेत. संतोषच्या आत्मसमर्पणामुळे नक्षलवादी चळवळीला मोठा धक्का बसल्याचे बोलले जात आहे.