नागपूरमधील सामाजिक न्याय विभागाच्या वसतिगृहात राहणाऱ्या मुलांची गरुडझेप, मिळवले २१ लाखापर्यंतचे पॅकेज | great achievement students get package up to 21 lakhs living social justice department hostel Nagpur | Loksatta

सामाजिक न्याय विभागाच्या वसतिगृहात राहणाऱ्या मुलांची गरुडझेप, मिळवले तब्बल २१ लाखापर्यंतचे पॅकेज

अभियांत्रिकी महाविद्यालयांमध्ये शिकणाऱ्या वसतिगृहातील पाच विद्यार्थ्यांची कॅम्पस मुलाखतीद्वारे नामांकित खासगी कंपन्यांमध्ये निवड झाली आहे.

सामाजिक न्याय विभागाच्या वसतिगृहात राहणाऱ्या मुलांची गरुडझेप, मिळवले तब्बल २१ लाखापर्यंतचे पॅकेज
प्रातिनिधिक छायाचित्र

नागपूर : शासनाच्या सामाजिक न्याय विभागाच्या वसतिगृहामधून अनेक गुणवंत विद्यार्थी आयुष्याला आकार देत आहेत. अभियांत्रिकी महाविद्यालयांमध्ये शिकणाऱ्या वसतिगृहातील पाच विद्यार्थ्यांची कॅम्पस मुलाखतीद्वारे नामांकित खासगी कंपन्यांमध्ये निवड झाली असून त्यांना १३ ते २१ लाखापर्यंतचे वार्षिक पॅकेज मिळाले आहे.

सामाजिक न्याय विभागातर्फे अनुसूचित जाती, अनुसूचित जमाती व इतर मागासवर्गीय दुर्बल घटकातील विद्यार्थ्यांसाठी तालुका, जिल्हा तसेच विभागीय स्तरावरील वसतिगृहे सुरू आहेत. यामध्ये वसतिगृहाच्या स्वरुपानुसार कनिष्ठ महाविद्यालय, व्यावसायिक महाविद्यालय, बिगर व्यावसायिक वरिष्ठ महाविद्यालय तसेच विद्यालय स्तरावर शिकणाऱ्या विद्यार्थ्यांना गुणवत्तेनुसार प्रवेश दिला जातो. प्रितेश अमोल शंभरकर या चंद्रपूर जिल्ह्यातील विद्यानगर ब्रह्मपुरी येथील विद्यार्थ्याने येथील ‘सीईओपी’मध्ये २०१९-२३ साठी अभियांत्रिकीला प्रवेश घेतला. त्याला संत ज्ञानेश्वर शासकीय वसतिगृहात प्रवेश मिळाला. त्याचीही ‘सोसायटी जनरल’ या कंपनीत वार्षिक वेतन १४ लाख ९६ हजार रुपयांच्या पॅकेजवर निवड झाली आहे.

हेही वाचा : खोट्या देयकाच्या आधारे कोट्यवधींची करचोरी, नागपूरच्या व्यापाऱ्याला अटक

अशाच पद्धतीने नागपूर जिल्ह्यातील लोहारी सावंगा, तालुका नरखेड येथील पीयूष संजय चापले यानेही अत्यंत कठीण परिस्थितीशी तोंड देत यश मिळवले आहे. त्याची कॅम्पस मुलाखतीद्वारे १२ लाख ८१ हजारांच्या वार्षिक पॅकेजवर निवड झाली आहे. या गुणवंत विद्यार्थ्यांचे विभागाचे सचिव सुमंत भांगे, विभागाचे आयुक्त डॉ. प्रशांत नरनवरे, उपायुक्त डॉ. सिद्धार्थ गायकवाड यांनी अभिनंदन केले.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
खोट्या देयकाच्या आधारे कोट्यवधींची करचोरी, नागपूरच्या व्यापाऱ्याला अटक

संबंधित बातम्या

उपमुख्यमंत्र्यांनी सारथ्य केलेल्या गाडीचा मालक विक्की कुकरेजा कोण आहे?
आमदार बच्‍चू कडूंनी ‘आळशी राजा’ची उपमा कोणाला दिली?; वाचा…
काय त्या गाड्या… काय त्यांचा वेग!; मुख्यमंत्र्यांच्या ताफ्यातील वाहनांची एकच चर्चा
पुरुषप्रधान संस्कृतीस फाटा, चार मुलींचा पार्थिवाला खांदा; लाडक्या पित्याला लेकींचा अखेरचा निरोप
पंतप्रधानाच्या कार्यक्रमाचे स्थळ बदलले; समृध्दीसह अनेक अन्य प्रकल्पांचे उद्घाटन करणार

व्हिडिओ

ताज्या बातम्या
पुणे : रस्ते बांधणी कंपनीची नऊ कोटी रुपयांची फसवणूक; प्रकल्प अधिकाऱ्याच्या विरोधात गुन्हा दाखल
मुंबई : पंतप्रधान पथविक्रेता आत्मनिर्भर निधी’: ५० हजार फेरीवाल्यांचे अर्ज मंजूर
‘मवाली’ चित्रपटातील ‘तो’ एक सीन अन् शक्ती कपूर यांनी बॉलिवूड सोडण्याचा घेतला होता निर्णय; आठवण सांगत म्हणाले…
“बेळगाव दौरा अद्याप तरी रद्द केलेला नाही”; मंत्री शंभूराज देसाईंचं विधान!
पुणे : सदनिकेत प्लंबिंग काम करताना विजेच्या धक्क्याने कामगाराचा मृत्यू ; वारजे भागातील घटना