बारावी निकाल: चार वर्षांपासून नागपूर विभाग राज्यात शेवटच्या स्थानी, यंदाही आठवा क्रमांक; निकालात घट का होत आहे?

निकाल घटण्याचे कारण काय?

नागपूर विभागाच्या निकालात २०२३-२४ मध्ये मुलांची टक्केवारी ८९.८५ टक्के होती ती यंदा ८७.४१ टक्के झाली आहे. म्हणजे मुलांच्या निकालात २.४ टक्क्यांनी घट झाली आहे. तर मुलींची टक्केवारी २०२३-२४ मध्ये ९४.४६ इतकी होती. यावर्षी कॉपीमुक्त अभियानाचा निकालावर मोठा परिणाम झाल्याचे दिसून येते. विभागात कॉपी करणाऱ्यांची संख्या फारच कमी होती. त्याचा परिणाम म्हणून निकालात काहीशी घट झाल्याची माहिती विभागीय अध्यक्षांनी दिली. शैक्षणिक वर्ष २०२२-२३ मध्ये नागपूर विभागाचा निकाल ९०.३५ टक्के, तर २०२३-२४ मध्ये ९२.१२ इतका होता होता. २०२४-२५ मध्ये निकाल ९२.१२ होता. यंदा निकाल ८८.६७ टक्के लागला आहे. त्यामुळे पुन्हा निकालात घट झाली आहे.

किती विद्यार्थी उत्तीर्ण झाले

यामध्ये नागपूर विभागातून १ लाख ५३ हजार २५६ नियमित विद्यार्थ्यांनी नोंदणी केली होती. त्यापैकी १ लाख ५२ हजार २३० विद्यार्थ्यांनी परीक्षा दिली. त्यापैकी १ लाख ३४ हजार ९८८ विद्यार्थी उत्तीर्ण झाले. त्यांची टक्केवारी ८८.६७ इतकी आहे. करोना काळात नागपूर विभागाच्या निकालाची टक्केवारी ही ९७ टक्क्यांपर्यंत गेली होती. मात्र, चार वर्षांपासून या सवलती बंद होताच निकालात घसरण झाली आहे. नागपूर विभागनिहाय विचार केल्यास गोंदिया जिल्ह्याचा निकाल सर्वाधिक असतो.