अकोला : जिल्ह्यातील संकटग्रस्त महिलांना सखी केंद्राचा आधार मिळत आहे. शहरात सुरू करण्यात आलेल्या ‘सखी वन स्टॉप सेंटर’कडून आतापर्यंत ३८५ संकटग्रस्त महिला व बालिकांना मदत पुरविण्यात आली आहे. यामध्ये जिल्ह्याबाहेरील महिलांचा सुद्धा समावेश आहे. समाजात अनेकवेळा महिलांवर अन्याय, अत्याचार होत असल्याचे आढळून येते. या संकटग्रस्त महिलांना आधार देण्यासाठी महिला व बाल विकास विभागांतर्गत सखी वन स्टॉप सेंटर चालवले जाते. त्याद्वारे कौटुंबिक हिंसाचार, बलात्कार, लैंगिक छळ, ॲसिड हल्ला, बाल अत्याचार, बालविवाह, अनैतिक वाहतूक, अपहरण, सायबर गुन्हा व इतर कोणत्याही प्रकारे अत्याचारग्रस्त महिलांना मदत दिली जाते. त्यात केंद्राद्वारे समुपदेशन, कायदेविषयक मार्गदर्शन, पोलीस मदत, वैद्यकीय मदत व पाच दिवसीय तात्पुरता निवारा देण्यात येतो. जिल्हा स्त्री रुग्णालयात वॉर्ड क्र. सातमध्ये सखी वन स्टॉप सेंटर कार्यान्वित केले आहे.

हेही वाचा : “राष्ट्रवादीमुळे आघाडी सरकार पडलं”, पृथ्वीराज चव्हाणांच्या आरोपाला प्रफुल्ल पटेल यांचे चोख प्रत्युत्तर; म्हणाले…

Rolls-Royce
अनंत अंबानींच्या वरातीमधील विदेशी वाहनांवर कारवाई होणार ?
ladki bahin yojana marathi news
‘लाडकी बहीण’साठी आता वेब पोर्टल, अर्ज करणे…
extortion case
वाहतूक पोलीस कर्मचाऱ्यासह सहा जणांवर गुन्हा दाखल; खंडणी प्रकरण
deepfake cyber fraud
ज्येष्ठ नागरिकांनो सावधान! डीपफेकद्वारे सायबर चोरट्यांचा गंडा, फोनवर मुलांचा रडण्याचा आवाज आणि…
Government Enhances Health Services, Government Enhances Health Services for Ashadhi Vari Pilgrims, 80 Lakh Worth Medicine Procurement, 80 Lakh Worth Medicine Procurement Ashadhi Vari Pilgrims, marathi news,
आषाढी वारीसाठी ३,८० लाख रुपयांची औषध खरेदी, स्थानिक स्तरावर तातडीने खरेदी करण्यास मान्यता
mofa act will be applicable on project not registered under rera
मोफा कायदा यापुढे रेरा नोंदणी नसलेल्या प्रकल्पांनाच! दुरुस्ती विधेयक लवकरच मंजुरीसाठी
Benefit for women up to 65 years for Majhi Ladki Bahin Yojana extended till 31st August
‘माझी लाडकी बहीण’ योजनेतील अटी शिथिल; ६५ वर्षांपर्यंत महिलांना लाभ, ३१ ऑगस्टपर्यंत मुदतवाढ
ubt shiv sena letter to mahavitaran in navi mumbai demanding up to 300 units of electricity free for residents
नवी मुंबई : शहरी भागातील रहिवाशांना ३०० युनिटपर्यंत मोफत वीज द्या- शिवसेना (उ.बा.ठा )

केंद्राद्वारे आजपर्यंत अनेक कुटुंबांना समुपदेशनाद्वारे वेगळे होण्यापासून वाचविण्यात आले आहे. कौटुंबिक हिंसाचारांतर्गत प्रत्येक महिलेला विश्वासाचा आधार देत तिला संरक्षण देऊन तिला हक्काने तिच्याच कुटुंबासोबत राहण्याची व्यवस्था केंद्राद्वारे केली जाते. एक जवळची मैत्रीण म्हणून सखी केंद्र त्या प्रत्येक महिलेच्या जीवनाचा हिस्सा बनते. केंद्राकडून संकटग्रस्त महिलेशी सातत्याने संपर्क राखला जातो. वेळ प्रसंगी केंद्राचे कर्मचारी महिलांच्या घरी जाऊन सुद्धा मदतीचा हात पुरवितात. महिला व बाल विकास विभागाकडून अकोला जिल्ह्यात महिलांचे हित व संरक्षणासाठी ही योजना राबविण्यात येत आहे. सखी केंद्राची मदत मिळवण्यासाठी १८१ हा हेल्पलाईन क्रमांक कार्यान्वित आहे. संकटग्रस्त महिलांनी केंद्राशी संपर्क साधावा, असे आवाहन जिल्हा महिला व बाल विकास अधिकारी गिरीश पुसदकर यांनी केले आहे. “महिला-भगिनींनी अन्याय सहन न करता त्याविरोधात खंबीरपणे उभे राहावे. कुठल्याही संकटात न घाबरता निर्भिडपणे तक्रार मांडावी.” – ॲड. मनिषा भोरे, प्रशासक, सखी वन स्टॉप सेंटर, अकोला.