गडचिरोली : राज्याचे विरोधी पक्षनेते विजय वडेट्टीवार स्वतःच्या मुलीसाठी उमेदवारी मिळवू शकले नाहीत. गडचिरोलीत डॉ. उसेंडींसाठी सुध्दा त्यांनी शेवटच्या क्षणापर्यंत प्रयत्न केला. पण, दोन्ही वेळेस पक्षाने त्यांचे ऐकले नाही. यावरून त्यांची पक्षात काय किंमत आहे, हे आपल्या सर्वांना दिसून आले. अशी खोचक टीका राज्याचे अन्न व औषध प्रशासन मंत्री धर्मरावबाबा आत्राम यांनी केली आहे. ११ एप्रिल रोजी मंत्री आत्राम यांनी माध्यमांशी बोलताना विरोधी पक्षनेते विजय वडेट्टीवार लवकरच भाजपमध्ये प्रवेश करणार, असा दावा केल्याने राजकीय वातावरण ढवळून निघाले होते. त्यानंतर वडेट्टीवार यांनी आत्राम यांचा दावा तथ्यहीन असल्याचे सांगून ते भाजपचे गुलाम असल्याची टीका केली.

हेही वाचा : “बटन दाबले आणि समस्या सुटली, असे होत नाही…”, रणजितसिंह निंबाळकरांच्या वक्तव्याने….

Sunil Kedar, Ajit Pawar,
अजित पवार यांना केदार यांचा टोला; म्हणाले, “विधानसभा निवडणुका येऊ द्या, बारामतीमध्ये…”
ambadas danve, sandipan bhumre
औरंगाबादमध्ये दारुच्या बाटल्या दाखवून भूमरेंना डिवचले
Ganesh Naik, Shinde sena, thane,
गणेश नाईक-शिंदेसेनेच्या मनोमिलन मेळाव्याला मुहूर्त मिळेना
Ganesh Naik, Shinde sena, thane,
गणेश नाईक-शिंदेसेनेच्या मनोमिलन मेळाव्याला मुहूर्त मिळेना
Navi Mumbai Airport, D.B. Patil name for Navi Mumbai Airport, demand Naming of Navi Mumbai Airport After D.B. Patil, maval lok sabha 2024, d b patil name Election Campaign Point, lok sabha 2024, election 2024, election news, panvel news, marathi news, maval news, maha vikas aghadi, mahayuti, politics news,
लोकसभा निवडणूकीच्या प्रचारात दि. बा. पाटील यांच्या नावाची चर्चा
now expelled Bikaner unit president Usman Gani
पंतप्रधान मोदींच्या मुस्लिमांबद्दलच्या ‘त्या’ विधानावर भाजपातील नेत्याचाच घरचा आहेर; नेमकं प्रकरण काय?
Inadequate Public Relations, Misconduct to office bearers , lead to cut the ticket, Mumbai bjp members of parliament, gopal Shetty, Poonam Mahajan, manoj kotak, lok sabha 2024, north Mumbai lok sabha seat, Mumbai north central lok sabha seat, north east Mumbai lok sabha seat, marathi news, bjp Mumbai, Mumbai news,
जनता व कार्यकर्त्यांशी उद्धट वर्तन मुंबईतील भाजपच्या तिन्ही खासदारांना भोवले
srirupa mitra chaudhary
काँग्रेसच्या बालेकिल्ल्यात भाजपाच्या ‘निर्भयादीदी’ची जादू; कोण आहेत श्रीरूपा मित्रा-चौधरी?

गडचिरोली चिमूर लोकसभेच्या प्रचाराची धुरा आपल्या हाती घेऊन वडेट्टीवार संपूर्ण लोकसभा क्षेत्र पिंजून काढत आहेत. यादरम्यान, झालेल्या सभांमधून त्यांनी मंत्री धर्मरावबाबा आत्राम यांच्यावर टीकेची झोड उठवली होती. यावर आत्राम यांनी चित्रफीत प्रसिद्ध केली असून यात त्यांनी वडेट्टीवारांचा चांगलाच समाचार घेतला आहे. ते म्हणतात, राज्याचे विरोधी पक्षनेते असलेल्या विजय वडेट्टीवारांची पक्षात काहीही किंमत नाही. ते स्वतःच्या मुलीसाठी उमेदवारी मिळवू शकले नाहीत. डॉ. नामदेव उसेंडी यांना उमेदवारीसाठी दिलेले आश्वासन ते पूर्ण करू शकले नाहीत. म्हणून चंद्रपूर सोडून गडचिरोलीत ते फिरत आहेत. याच नाराजीतून ते मझ्यावर सतत टीका करत सुटले आहेत. आम्ही दोन राजे एकत्र आल्याने अहेरी विधानसभेसह जिल्ह्यात महायुतीचे उमेदवार अशोक नेते यांना सर्वाधिक मते मिळतील आणि ते चार लाखांहून अधिक मतांनी निवडून येतील. मोदींच्या काळात आदिवासी, मागास वर्गाच्या कल्याणासाठी सतत कामे सुरू आहेत. त्यांच्याच काळात पहिल्यांदा देशाच्या सर्वोच्चपदी आदिवासी महिलेला संधी देण्यात आली. पण, काँग्रेसचे नेते भाजप घटना बदलणार असा अपप्रचार करीत आहेत. तसे काहीही होणार नसून लोकसभेत महायुतीच्या उमेदवाराला मिळत असलेला पाठिंबा बघून विरोधकांना पोटशूळ उठला आहे. त्यामुळेच ते असे आरोप करत सुटले आहेत, अशी टीका आत्राम यांनी केली आहे. प्रचाराच्या शेवटच्या टप्प्यात नेत्यांमध्ये आरोप प्रत्यारोपांचा सामना रंगला असून पुढे हा संघर्ष आणखी तीव्र होण्याची चिन्हे आहेत.