नागपुरात पदभरती परीक्षे दरम्यान महिलांचा गोंधळ… कारण काय?

नागपुरातील मेडिकल आणि मेयोसह शासकीय आयुर्वेद महाविद्यालय आणि दंत महाविद्यालयात प्रयोगशाळा परिचर, शिपाई, हमाल, कक्ष परिचर, गँगमन, माळी, संग्रहालय परिचर, किचन, स्टोअर बॉय, क्लीनर अशी वर्ग-४ ची ६८० पदे भरली जाणार आहेत. यासाठी आयबीपीएस एजन्सीमार्फत २६ ऑगस्टला परीक्षा झाली. परीक्षेचे एक केंद्र वाडीतही होते. या केंद्रात परीक्षेच्या वेळेवर उमेदवार पोहचले. दरम्यान काही महिलांनी लग्नानंतर आवश्यक कागदपत्र सोबत आणले नसल्याचे सांगत त्यांना केंद्रातून बाहेर काढले गेले. या महिलांना परीक्षा देता आली नसल्याने त्यांनी केंद्राच्या बाहेर गोंधळ घालत परीक्षा प्रक्रियेवरच आक्षेप घेतला. दरम्यान येथे पोलिसांचा बंदोबस्त असल्याने अनुचित प्रकार घडला नाही. या विषयावर एका अधिकाऱ्याने नाव न टाकण्याच्या अटीवर ही घटना घडल्याचे मान्य करत या महिलांनी सोबत आवश्यक कागदपत्र आणले नसल्याने त्यांना परीक्षेला बसू देता येत नसल्याचा दावा केला.

आणखी वाचा

भंडारा: खळबळजनक! ‘येथे’ पैसे घेऊन सुरू होती भरती प्रक्रिया; गोपनीय पद्धतीने…

विश्लेषण: जगातील सर्वांत मोठी ॲमेझॉन नदी पडतेय कोरडीठाक……

एकलव्य निवासी शाळांमध्ये अकरावीतील जागांमध्ये वाढ

अकरावी प्रवेश : दैनंदिन गुणवत्ता फेरीअंती जवळपास १ लाख ३४ हजार जागा रिक्त, द्विलक्षी विषयासाठी ७ ऑक्टोबरपर्यंत प्रवेश

जलसंपदा, सार्वजनिक बांधकाम विभागातील अभियंत्यांचे लेखणी बंद

‘एमपीएससी’ परीक्षेत ‘या’ संस्थेच्या १५१ विद्यार्थ्यांनी मारली बाजी, उपजिल्हाधिकारी पदी विनीत शिर्के

‘सीटीईटी’ लांबणीवर.. आता कधी होणार परीक्षा?

बदलापूर: बुधवारी जिल्हा परिषद शाळा बंद शिक्षक संघटनांची सामूहिक रजा, जिल्हाधिकारी कार्यालयावर मोर्चा

हे ही वाचा… असे असावे टुमदार घरकुल, उन्हाळ्यात थंड आणि हिवाळ्यात…

६८० पदांसाठी ६४ हजार अर्ज

जिल्हा निवड समितीमार्फत मेडिकल, मेयो, दंत, आयुर्वेद व ग्रामीण आरोग्य प्रशिक्षण केंद्र काटोल येथे पदभरती प्रक्रिया सुरू आहे. २० जानेवारी २०२४ पर्यंत अर्ज मागवण्यात आले. एकूण ६८० पदांसाठी ६४ हजार उमेदवारांनी अर्ज केले. या पदांसाठी किमान पात्रता १० वी उत्तीर्ण अशी आहे. परीक्षेसाठी एप्रिलपासून विविध प्रकारच्या प्रवेश परीक्षांची फेरी सुरू आहे.

हे ही वाचा… महिलेची मुला-मुलीसह आत्महत्या! काय घडले नेमके?

चतुर्थश्रेणी कर्मचाऱ्यांची अनेक पदे रिक्त

वैद्यकीय शिक्षण विभागाच्या अखत्यारित असलेल्या नागपुरातील मेडिकल, मेयो, सुपरस्पेशालीटी, आयुर्वेद, दंत महाविद्यालयामध्ये चतुर्थश्रेणी कर्मचाऱ्यांची अनेक पदे रिक्त आहे. त्यामुळे येथे स्वच्छता, रुग्णांना एका ठिकाणाहून इतरत्र हलवणे, रुग्णांच्या जखमांची मलमपट्टी, विविध तपासणीशी संबंधित कामांमध्ये अडचणी येतात. रुग्णालय प्रशासनाकडून सातत्याने येथे चतुर्थश्रेणी कर्मचाऱ्यांची पदे वाढवण्यासाठी शासनाला मागणी केली जाते. परंतु विविध कारणाने परवानगी मिळत नाही. यंदा जिल्हा निवड समितीमार्फत येथील ६८० पदांसाठीची पदभरती होत असून हे काम आयबीपीएस एजन्सीला देण्यात आले आहे. तर परीक्षेसाठी मेडिकल- मेयोतीलही बऱ्याच अधिकारी- कर्मचाऱ्यांचा तेथे सेवा लावण्यात आल्या होत्या.