नागपूर : गृहमंत्र्यांचे शहर म्हणून ओळख असणाऱ्या उपराजधानीत दर दिवशी दोन महिलांवर लैंगिक अत्याचार, विनयभंग आणि कौटुंबिक हिंसाचार होत आहे. त्यामुळे महिला सुरक्षेला प्राधान्य देण्याचा पोलिसांचा दावा फोल ठरला आहे. गेल्या तीन महिन्यांत महिलांवर अत्याचार झाल्याच्या २४७ घटना उघडकीस आल्या आहेत.

पोलिसांचा वचक संपल्यामुळे नागपुरात गुन्हेगारांची संख्या आणि गुन्हेगारी सातत्याने वाढत आहे. सध्या महिलांवरील लैंगिक अत्याचारासह कौटुंबिक अत्याचाराच्या घटनांमध्ये मोठी वाढ झाली आहे. महिलांचे लैंगिक शोषण, विनयभंग, छेडखानी, अश्लील चाळे, शेरेबाजी आणि कौटुंबिक हिंसाचाराच्या घटना वाढत आहेत. यापूर्वी महिला व वृद्धांच्या सुरक्षेला प्राधान्य देण्याचा दावा पोलीस आयुक्तांनी केला होता.

Hasan Mushrif, claim,
पालकमंत्री हसन मुश्रीफ यांचा कोल्हापुरातील १०० कोटी रस्ते कामाबाबतचा दावा फसवा; रस्त्यांची कामे अर्धवट, ‘आप’चा आरोप
lok sabha elections 2024 rahul gandhi attacks bjp over dynasty politics
मंत्रिमंडळ नव्हे ‘परिवार मंडळ’; मंत्र्यांच्या घराणेशाहीवर बोट, राहुल गांधी यांची टीका
Manipur chief minister
मणिपूरच्या मुख्यमंत्र्यांच्या ताफ्यावर हल्ला; एक सुरक्षा रक्षक जखमी
Washim, Abuse, girl,
वाशिम : घरात एकट्या असलेल्या ८ वर्षांच्या चिमुरडीवर अत्याचार, वज्रदेही महिला विकास संघाचा मोर्चा
maha vikas aghadi workers cheering after victory
मतमोजणीस्थळी मविआचा जल्लोष, महायुतीची निराशा; अंबड येथील मतमोजणी केंद्राबाहेरील कार्यकर्त्यांचा जल्लोष
Ten years rigorous imprisonment by the Chief District and Sessions Court to the accused in the case of physical abuse Buldhana
नात्याला कलंक! शारीरिक अत्याचारानंतरही पीडिता फितूर; तरीही न्यायालयाने…
sugarcane, Raju Shetty,
मागील हंगामातील उसाचे प्रतिटन १०० रुपये द्या – राजू शेट्टी यांची मागणी; आचारसंहितेनंतर बैठकीचे आयोजन – पालकमंत्री मुश्रीफ
devendra fadnavis replied to sharad pawar
“शरद पवार सध्या नकारात्मक मानसिकतेत, त्यांच्यासारख्या मोठ्या व्यक्तीला..”; दुष्काळावरील टीकेला देवेंद्र फडणवीसांचं प्रत्युत्तर!

हेही वाचा : वाशिम : लग्नसमारंभासाठी जाताना काळाचा घाला, भीषण अपघातात दोन ठार

मात्र, महिलांवरील वाढत्या अत्याचारामुळे पोलिसांचा दावा हवेत विरला आहे. सामाजिक कार्यकर्ते अभय कोलाकर यांना मिळालेल्या माहितीच्या अधिकारातील माहितीनुसार, जानेवारी ते मार्च या तीन महिन्यांत अल्पवयीन मुली, तरुणी आणि महिलांवर बलात्कार केल्याच्या ७२ घटना उघडकीस आल्या आहेत. या आकड्यावरून वर्षाअखेरपर्यंत हा आकडा साडेतीनशेपार जाण्याशी शक्यता आहे.

यासह काही प्रकरणांमध्ये तरुणी, मुली, महिला लैंगिक शोषण झाल्यानंतर बदनामी किंवा कुटुंबाच्या दबावातून तक्रार देण्यास समोर आल्या नाहीत. तसेच तरुणी-महिलांशी अश्लील चाळे किंवा विनयभंग केल्याचे ११४ गुन्हे दाखल आहेत. पीडितांमध्ये तरुणींसह अल्पवयीन मुलींचाही समावेश आहे. लग्न होऊन घरात नांदायला आलेल्या सुनेवरही शारीरिक व मानसिक छळ केल्याच्या गुन्ह्यात मोठी वाढ झाल्याचे दिसून येते. जानेवारी ते मार्च महिन्यांत कौटुंबिक हिंसाचाराचे ६१ गुन्हे घडले आहेत.

हेही वाचा : नागपूर : कुणाल बॅटरीचा भरचौकात खून

नागपूर पोलिसांनी महिलाविरुद्ध घडणाऱ्या गुन्ह्यांवर नियंत्रण मिळविण्यासाठी ठोस उपाययोजना करण्याची गरज आहे. शहरात गुन्हेगार पुन्हा सक्रिय झाल्यामुळे टोळ्यांमध्ये वर्चस्वावरून टोळीयुद्ध सुरु झाले आहे. गेल्या तीन वर्षांत २६० हत्याकांडाच्या घटना घडल्या आहेत. यामध्ये ४० टक्के घटना टोळीयुद्धातून किंवा वर्चस्वाच्या वादातून झाल्या आहेत. गेल्या जानेवारी ते मार्च महिन्यांत नागपुरात २० हत्याकांडाच्या घटना घडल्या आहेत. त्यामुळे गुन्हेगारीला लगाम लावण्यासाठी गुन्हे शाखेला वचक निर्माण करायला लागणार आहे.

महिलांवरील अत्याचाराची आकडेवारी

वर्ष -बलात्कार -विनयभंग -कौटुंबिक हिंसाचार
२०२१ -२३४- २५६- १७७
२०२२ -२५०- ३४०- २३५
२०२३ -२६३ -५०६ -२८२
२०२४ (मार्च) -७२- ११४- ६१