scorecardresearch

Premium

नागपूर : विवाहितेची आत्महत्या; मैत्रिणीचा पैशांसाठी तगादा

पैशाचा तगादा लावल्यामुळे घाबरलेल्या विवाहितेने घरात गळफास घेऊन आत्महत्या केली.

nagpur married woman suicide, women suicide due to friend in nagpur
नागपूर : विवाहितेची आत्महत्या; मैत्रिणीचा पैशांसाठी तगादा (संग्रहित छायाचित्र)

नागपूर : मुलीच्या वाढदिवसाच्या कार्यक्रमासाठी महिलेने मैत्रिणीकडून ७२ हजाराचे कर्ज घेतले आणि व्याजासह १ लाख ३८ हजार परत केले. त्यानंतरही मैत्रिणीने चक्रवाढ व्याज लावून ३ लाखांची मागणी केली. पैशाचा तगादा लावल्यामुळे घाबरलेल्या विवाहितेने घरात गळफास घेऊन आत्महत्या केली. या प्रकरणात वाडी पोलिसांनी आत्महत्येस प्रवृत्त केल्याचा गुन्हा दाखल केला. किर्ती राहुल मेश्राम (२८ हिलटॉप कॉलनी, वाडी) असे मृत महिलेचे नाव असून प्रिती सचिन संतापे (३५, पुरुषोत्तमनगर, आठवा मैलजवळ, वाडी) असे आरोपी मैत्रिणीचे नाव आहे.

२४ नोव्हेंबर रोजी किर्ती मेश्राम ही वाडीत पती व दोन वर्षाच्या मुलीसह भाड्याने राहायची. दुपारच्या सुमारास किर्तीने घरी गळफास घेऊन आत्महत्या केली होती. पोलिसांनी अकस्मात मृत्यूची नोंद केली होती. आपल्या पत्नीने अवघ्या दोन वर्षाच्या मुलीचा आणि संसाराचा विचार न करता अचानक असे टोकाचे पाऊल का उचलले? या विचाराने तिचे पती राहुल धर्मपाल मेश्राम हे व्यथित झाले होते. त्यांनी पत्नीचा मोबाईलदेखील तपासला, मात्र काहीच आढळले नाही. घरात शोधाशोध करत असताना त्यांना तिची ‘सुसाईड नोट’ आढळली. किर्तीने प्रिती सचिन संतापे या तिच्या मैत्रिणीकडून मुलीच्या वाढदिवसाच्या कार्यक्रमासाठी ७२ हजार रुपये कर्ज घेतले होते. प्रितीने सहा महिन्यांनी किर्तीकडे १५ टक्के चक्रवाढ व्याजासह १ लाख ३८ हजार रुपये वसूल केले.

pune dhankawadi businessman suicide marathi news
पुणे : पैसे परत करण्यासाठी तगादा लावल्याने तरुणाची आत्महत्या
Ajit Pawar and rohit pawar
अजित पवारांना कुटुंबात एकटं पाडलं जातंय का?, रोहित पवार म्हणाले, “साहेबांनी बांधलेल्या घरातून…”
OBC
ओबीसींचा खरा शत्रू कोण?
illegal abortion pune marathi news, illegal abortion of a young girl pune marathi news,
पुणे : तरुणीचा बेकायदा गर्भपात, डॉक्टर दाम्पत्यासह सहाजणांविरुद्ध पोलिसांची कारवाई; धरणात फेकून देण्याची तरुणीला धमकी

हेही वाचा : गुन्हे शाखा कार्यालयात शिरला साप; पोलीस अधिकाऱ्याने…

त्यानंतर मुद्दल रकमेवरील व्याजापोटी आणि कर्ज परत करण्यास उशिर केल्याच्या दंडासह तीन महिन्यांत ३ लाखांची मागणी केली. ही रक्कम किर्तीसाठी जास्त होती. तिला पैसे परत करण्यास उशीर झाला. यावरून प्रितीने किर्तीला वाईट शब्दांत रागावले होते. शिवाय तिचा पाणउतारा करत मानसिक त्रासदेखील दिला. यामुळे किर्ती दहशतीत आली. पतीने पैशांची व्यवस्था करू असे सांगितले होते. मात्र किर्ती तणावात आली होती व अखेर तिने आत्महत्या केली. पोलिसांनी आरोपी प्रितीविरोधात गुन्हा दाखल केला आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In nagpur married woman commits suicide due to her friend who continuously demand money to her adk 83 css

First published on: 01-12-2023 at 14:39 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×