नोकरीच्या शोधात असणाऱ्यांना उत्तम संधी, बारावी उत्तीर्ण आणि पदवीधरांसाठी…

पदवीधर आणि बारावी उत्तीर्ण तरुणांसाठी सार्वजनिक क्षेत्रातील मोठी कंपनी असलेल्या इंडियन ऑइल कॉर्पोरेशन लिमिटेडमध्ये नोकरीची सुवर्णसंधी चालून आली आहे. इंडियन ऑईलच्या पाईपलाइन विभागात २०२६ या वर्षासाठी शिकाऊ उमेदवारांच्या एकूण ३९४ जागा भरल्या जाणार आहेत. विशेष म्हणजे, या भरतीसाठी कोणतीही लेखी परीक्षा किंवा मुलाखत घेतली जाणार नाही. यावेळी उमेदवारांची निवड केवळ त्यांच्या शैक्षणिक गुणांच्या गुणवत्तेवर केली जाणार आहे.

महाराष्ट्रात प्रामुख्याने अहमदनगर, मनमाड आणि सोलापूर या तीन ठिकाणी एकूण १२ शिकाऊ उमेदवारांची भरती केली जाणार जाईल. तर संपूर्ण पश्चिम विभागात गुजरात, मध्य प्रदेश, महाराष्ट्र आणि राजस्थानचा या ठिकाणी एकूण १३६ जागा रिक्त आहेत. या भरती प्रक्रियेत तांत्रिक आणि बिगर तांत्रिक अशा दोन्ही प्रकारच्या पदांचा समावेश आहे.  इच्छुक उमेदवार असतील त्यांनी प्रथम ट्रेडनुसार NATS (https://nats.education.gov.in/) किंवा NAPS (https://www.apprenticeshipindia.gov.in) पोर्टलवर नोंदणी करणे आवश्यक आहे. त्यानंतर इंडियन ऑइलच्या अधिकृत पोर्टलवर जाऊन आपला अर्ज पूर्ण करावा.

विविध पदे आणि शैक्षणिक पात्रता

टेक्निशियन अप्रेंटिस (मेकॅनिकल, इलेक्ट्रिकल, टेलिकॉम आणि इन्स्ट्रुमेंटेशन): संबंधित इंजिनिअरिंग शाखेतील ३ वर्षांचा पूर्णवेळ डिप्लोमा.

ट्रेड अप्रेंटिस (असिस्टंट-HR): कोणत्याही विषयातील पूर्णवेळ पदवी

ट्रेड अप्रेंटिस (अकाउंटंट): वाणिज्य शाखेतील पदवी.

डेटा एन्ट्री ऑपरेटर : किमान १२ वी उत्तीर्ण, परंतु पदवीधर नसावा.

वयोमर्यादा आणि अटी

या अर्जदाराचे वय ३१ जानेवारी २०२६ रोजी किमान १८ वर्षे आणि कमाल २४ वर्षे असणे आवश्यक आहे. ऑनलाइन अर्ज सुरू होण्याची तारीख: २८ जानेवारी २०२६.

अर्ज करण्याची अंतिम तारीख: १० फेब्रुवारी २०२६ (रात्री ११:५९ वाजेपर्यंत).

अधिकृत वेबसाइट: https://plapps.indianoilpipelines.in/

निवड झालेल्या उमेदवारांना १२ महिन्यांचे प्रशिक्षण दिले जाईल. या प्रशिक्षणादरम्यान नियमानुसार मासिक विद्यावेतन देखील दिले जाणार आहे.