‘तिथे’ एकत्र नांदतो ईश्वर अन् अल्लाह, दहा दिवस ‘बागडतो’ गणराय; मंदिर अन् मशीद सख्खे शेजारी

जिल्ह्यातील जयपूर (ता. मोताळा) हे गाव याचे मासलेवाईक व आदर्श उदाहरण ठरावे. मंदिर-मशीदवरून वर्षानुवर्षे राजकारण घडविले जात आहे. या दुर्देवी पार्श्वभूमीवर जयपूर या गावात ईश्वर व अल्लाह एकत्र नांदतो. हनुमान मंदिर व मशीद सख्खे शेजारी असल्यासारखे नांदतात. दहा दिवस लगतच गणपती बाप्पा विराजमान केल्या जातो. संध्याकाळची नमाज झाल्यावर गणराय व मंदिरातील आरती केली जाते. यामध्ये सर्वच धर्मीय अन् जाती जमातीचे ग्रामस्थ स्वयंस्फूर्तीने सहभागी होतात.

आणखी वाचा

अक्कलकोटमध्ये घालीन लोटांगण, करीन वंदन..!

चंद्रपूर : गोसीखुर्द कालव्यात तीन युवक बुडाले

बुलढाण्यातील सवडदवासीयांनी नरकाचा केला स्वर्ग! जेथे होते घाणीचे साम्राज्य अन् दारूचा अड्डा तेथे उभारले सिद्धीविनायक मंदिर

सोयाबीनवर पिवळा मोझॅकचे आक्रमण, चंद्रपूर जिल्ह्यातील नुकसानग्रस्त शेतकऱ्यांसाठी विशेष पॅकेज जाहीर करा; पालकमंत्री मुनगंटीवार यांची मागणी

हेही वाचा – चिखलीतील शासकीय वसतिगृहातील ६ विद्यार्थिनींना विषबाधा, खासगी रुग्णालयात उपचार सुरू; प्रकरण दडपण्याचा प्रयत्न?

हेही वाचा – राष्ट्रीय ओबीसी महासंघाचे आंदोलन तीव्र; चंद्रपूर-नागपूर महामार्गावर चक्काजाम आंदोलन

गणेशोत्सवच नव्हे तर सर्व सण उत्सव एकोप्याने साजरे केले जातात. रमजानला शिरखुरम्याचा सर्वच गावकरी स्वाद घेतात तर दिवाळीच्या फराळ व अन्य सणांना होणाऱ्या गोड धोड पदार्थांची ‘भाईजान’ चव चाखतात. गावातील बुजुर्ग, माजी सरपंच विक्रम देशमुख, जामा मज्जिदचे इमाम हाफिज साजिद खान ही बाब साधेपणाने सांगतात. त्यात अहंकार वा अभिमानाचा लवलेशही नसतो. जातीयवाद, धार्मिक संघर्ष, कट्टरता हे शब्द जयपूरच्या सामाजिक शिकवणीत किंबहुना शब्दकोषातच नाहीये.