जागेच्या वादातून वहिनीला पेटवून देणाऱ्या दिरास खामगाव न्यायालयाने जन्मठेप व २० हजार रुपये दंडाची शिक्षा सुनावली. २६ नोव्हेंबर २०१६ रोजी खामगाव तालुक्यातील गणेशपूर येथे ही घटना घडली होती. जागेच्या वादावरून आरोपी पांडुरंग मनोहर लथाड याने पहाटे चार वाजताच्या सुमारास बळजबरीने घरात घुसून वहिनी दुर्गा यशवंत लथाड ( २६) यांना घासलेट टाकून पेटवून दिले होते. हेही वाचा >>>अ. भा. मराठी साहित्य संमेलन: शताब्दी वर्षानिमित्त विदर्भ साहित्य संघास दहा कोटी; उपमुख्यमंत्री देवेंद्र फडणवीस यांची घोषणा यामुळे अत्यावस्थ झालेल्या महिलेचा उपचारदरम्यान मृत्यू झाला. तिने दिलेला मृत्यूपूर्व जबाब व संजय जाधव याने दिलेल्या फिर्यादीवरून हिवरखेड पोलिसांनी गुन्हा दाखल केला होता. सहायक पोलीस निरीक्षक नरेंद्र डंबाळे यांनी तपासाअंती प्रकरण न्यायप्रविष्ट केले. खामगाव न्यायालयाच्या जिल्हा न्यायाधीश अनुजा वैरागडे यांनी ११ साक्षी व सहायक सरकारी वकील रजनी बावस्कर यांचा प्रभावी युक्तिवाद लक्षात घेऊन आरोपी पांडुरंग मनोहर लथाड याला जन्मठेप व २० हजार रुपये दंडाची शिक्षा सुनावली.