लोकसत्ताच्या विदर्भरंग दिवाळी अंकाचे आज प्रकाशन

मंगळवार, दोन नोव्हेंबरला धनत्रयोदशीच्या दिवशी दुपारी १२.३० वाजता लोकसत्ता कार्यालयात हा प्रकाशन सोहोळा होणार आहे.

नागपूर : मानवी सृष्टीसमोर करोनारूपी संकट उभे असतानाही त्याला घाबरून न जाता शेकडो हातांनी या संकटाला संधीत परावर्तीत केले. या संधीचे सोने करणाऱ्या हातांची आणि त्यांच्या सोनेरी कथांची मेजवानी लोकसत्ताच्या ‘विदर्भरंग’ दिवाळी अंकात यंदा रसिक वाचकांना मिळणार आहे. हा नाविन्यपूर्ण दिवाळी अंक तयार झाला असून या अंकाचे प्रकाशन वनराईचे विश्वस्त व ज्येष्ठ सामाजिक कार्यकर्ते गिरीश गांधी व ज्येष्ठ छायाचित्रकार विवेक रानडे यांच्या हस्ते करण्यात येणार आहे. मंगळवार, दोन नोव्हेंबरला धनत्रयोदशीच्या दिवशी दुपारी १२.३० वाजता लोकसत्ता कार्यालयात हा प्रकाशन सोहोळा होणार आहे. करोनाकाळात अस्पृश्य ठरलेल्या रुग्णांसाठी देवदूत बनून येणारा रोबोट किंवा हळद लागवडीतून प्रगतीचे कॅप्सूल निर्माण करणारा पंकज भगत, करोनावर जिद्दीने मात करून सनदी अधिकारी झालेले आदित्य जीवने आणि करोनाकाळात सर्व काही ठप्प झाले असताना एका छोटय़ाशा उपक्रमातून आंतरराष्ट्रीय परिषदेत सहभागी होणारा शुभम छापेकर अशा एक ना अनेक जिद्दीच्या कथा वाचकांसाठी नक्कीच प्रेरणादायी ठरणार आहेत. त्याच दृष्टिकोनातून लोकसत्ताने विषयाची आखणी केली आणि ती ‘विदर्भरंग’च्या रूपाने प्रत्यक्षात उतरली. हा वैविध्यपूर्ण अंक वाचकांच्या हाती पडणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नागपूर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Loksatta vidarbharang diwali issue 2021 will publish today zws

Next Story
‘तो’ पोपट १५ दिवसांपासून वन कोठडीतच
ताज्या बातम्या