minister sanjay rathore reaction on banjara samaj mahant sunil maharaj joins shiv sena zws 70 | Loksatta

गडचिरोली : आमच्या समाजात ‘असे’ अनेक महंत आहेत – मंत्री संजय राठोड

लोकशाहीत सर्वांनाच कुठल्याही पक्षात जाण्याचे पूर्ण स्वातंत्र्य आहे. त्यामुळे कोण कुठे जातो याने काहीही फरक पडत नाही.

गडचिरोली : आमच्या समाजात ‘असे’ अनेक महंत आहेत – मंत्री संजय राठोड
औषध प्रशासन मंत्री संजय राठोड

गडचिरोली : आमच्या समाजात अनेक महंत आहेत. इतर समाजातही असतात. त्यामुळे कोण कुठे जातो हा ज्याचा त्याचा प्रश्न आहे,  असा टोला राज्याचे अन्न व औषध प्रशासन मंत्री संजय राठोड यांनी पोहोरादेवी गडावरील बंजारा समाजाचे महंत सुनील महाराज यांच्या शिवसेना प्रवेशावर लगावला. ते शुक्रवारी गडचिरोली दौऱ्यावर आले असताना पत्रपरिषदेत बोलत होते.

हेही वाचा >>> “नागपूरची चड्डी ज्याने घातली तो थेट…”, नाना पटोलेंच्या विधानाची चर्चा; भाजपाने दिलं प्रत्युत्तर, म्हणाले “संघाच्या शाखेत या”

आज मुंबई येथे बंजारा समाजाची काशी समजल्या जाणाऱ्या पोहोरादेवी येथील बंजारा समाजाचे महंत सुनील महाराज यांनी शिवसेना पक्षप्रमुख उद्धव ठाकरे यांच्या उपस्थितीत शिवबंधन बांधले. त्यांच्या प्रवेशामुळे बंजारा समाजाचे नेते आणि राज्याचे अन्न व औषध प्रशासन मंत्री संजय राठोड यांना धक्का मानला जात होता. परंतु त्यांनी या प्रश्नावर समाजात अनेक महंत असतात, त्यामुळे आम्हाला काहीही फरक पडत नाही असे वक्तव्य केले. ते पुढे म्हणाले, बंजारा समाजात स्व. महंत रामराव महाराज यांचे सर्वोच्च स्थान आहे. त्यांच्यानंतर अनेक महंत समाजासाठी कार्य करीत आहेत. कोण कुठे जावे हा ज्याचा त्याचा प्रश्न आहे. लोकशाहीत सर्वांनाच कुठल्याही पक्षात जाण्याचे पूर्ण स्वातंत्र्य आहे. त्यामुळे कोण कुठे जातो याने काहीही फरक पडत नाही. असे त्यांनी यावेळी स्पष्ट केले. पूर्वीच्या शिवसेनेतून काही लोक वगळता जवळपास सर्वच जण बाहेर पडलेत. त्यामुळे आम्ही शिंदे गट नसून मूळ शिवसेना आहोत. तो ठाकरे गट आहे. न्यायलायातही निकाल आमच्या बाजूने लागेल, असा विश्वासही त्यांनी यावेळी व्यक्त केला.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
चंद्रपुरात सारस पक्षी आणण्याचा प्रस्ताव

संबंधित बातम्या

महिला कर्मचाऱ्याचा विनयभंग करणाऱ्या लेखा व वित्त अधिकाऱ्याला अटक; गडचिरोली जिल्हा परिषदेत खळबळ
भ्रष्टाचारावरून ‘नासुप्र’ अधिकाऱ्यांची गडकरींकडून झाडाझडती
दोन महिन्यांत रस्त्यांवर दोन हजारांवर खड्डे
नागपूर : प्रेमाचा त्रिकोण, पहिल्या प्रेयसीचा केला खून आणि दुसरीला घेऊन युवकाचे पलायन
यवतमाळ : घाटंजी येथे काँग्रेस कार्यकर्ते स्थानबध्द, महागाईविरोधात आंदोलन

व्हिडिओ

ताज्या बातम्या
हुरड्यापूर्वीच ज्वारीच्या कणसांचा पक्ष्यांकडून फडशा; शेतकरी चिंताग्रस्त, हुरडा पार्ट्यांवर परिणामाची शक्यता
अन् लग्नाच्या विधीदरम्यान नवरदेवानं केलं ऑफिसचं काम! फोटो व्हायरल होताच नेटकरी म्हणाले, “वर्क फ्रॉम होम…”
IND vs NZ 2nd ODI: सॅमसनला प्लेइंग इलेव्हनमधून वगळल्याने सोशल मीडियावर चाहत्यांनी व्यक्त केली नाराजी, पाहा
“सतत एकेरी उल्लेख करतोय कारण…” विक्रम गोखलेंच्या निधनानंतर शरद पोंक्षे यांचं ट्वीट चर्चेत
क्रिती सेनॉन होणार प्रभासची बायको? त्याच्याशी लग्न करण्याची इच्छा व्यक्त करत म्हणाली…