महेश बोकडे

बँकांविरोधात ग्राहकांच्या तक्रारी वाढत आहेत. गेल्या वर्षभरात देशातील विविध बँकांविरोधात नागरिकांनी भारतीय रिझर्व बँकेकडे १.९० लाखाच्या जवळपास तक्रारी केल्या. सर्वाधिक तक्रारी भारतीय स्टेट बँक, आयसीआयसीआय बँक, एचडीएफसी बँक, एक्सिस बँक, पंजाब नॅशनल बँकेविरोधात असल्याचे माहितीच्या अधिकारातून पुढे आले आहे.

शेतकरी आंदोलनाचे नेतृत्व करणाऱ्या नेत्यांंच्या जमिनींचा शोध, सरकारकडून दबाव टाकण्याचा प्रयत्न – जे. पी. गावित यांचा आरोप
tax fraud case
१७५ कोटींचे कर फसणूक प्रकरण : विक्रीकर अधिकारी व १६ जणांवर गुन्हा दाखल, एसीबीची कारवाई
electricity
कंत्राटी कर्मचारी संपावर गेल्याने राज्यातील वीज यंत्रणा सलाईनवर.. ‘या’ आहेत मागण्या…
Chahal, Bhide to be transferred after ECI orders
चहल, भिडे यांची बदली अटळ; राज्याची मागणी निवडणूक आयोगाने फेटाळली

बँकेत धनादेश टाकल्यावर तो न वटणे, नियमानुसार खातेधारकाला व्याज न मिळणे, एटीएममधून व्यवहार केला नसताना झालेली कपात, खात्यातील कपातीसह बँकांशी संबंधित तक्रारी प्रथम बँकेच्या व्यवस्थापकाकडे केल्या जातात. बँकेच्या शाखेत न्याय न मिळाल्यास ही तक्रार बँकेच्या मुख्य शाखेकडे केली जाते. त्यानंतरही न्याय न मिळाल्यास भारतीय रिझर्व बँकेच्या लोकपालाकडे दाद मागता येते. आरबीआयच्या लोकपालाकडे देशभऱ्यातील विविध बँकांच्या विरोधात १ जानेवारी २०२२ ते ३१ डिसेंबर २०२२ दरम्यान १ लाख ८९ हजार ४८८ तक्रारी केल्याचे सामाजिक कार्यकर्ते अभय कोलारकर यांनी माहितीच्या अधिकारातून पुढे आणले आहे. या तक्रारीवर भारतीय रिझर्व बँकेकडून संबंधित बँकेला कारणे दाखवा नोटीस बजावली जाते. तक्रारीवर काय कारवाई केली, हे बँकेला आरबीआरला कळवावे लागते.

सहकारी बँकांविरोधातही तक्रारी
ग्रेटर बॉम्बे को- ऑपरेटिव्ह बँकेच्या विरोधात आरबीआयकडे २६६ तक्रारी, सारस्वत को- ऑपरेटिव्ह बँकेच्या विरोधात २३७, महाराष्ट्रा ग्रामीण बँक ११२, कॉसमॉस को- ऑपरेटिव्ह बँक ८२, अभूदय को- ऑफरेटिव्ह बँक लिमिटेड ७८, बॉम्बे र्मकटाइल को-ऑप. बँक लिमी. ५६, जिल्हा मध्यवर्ती सहकारी बँक लिमी. ५५, ठाणे जनता सहकाही बँक लिमी. ४२, नगर अर्बन को- ऑप. बँक लिमी. २७, डोंबिवली नागरी सहकारी बँक लिमी. २७, शंकरराव पुजारी नूतन नगरी सहकारी बँक लि. इचलकरंजी २०, यवतमाळ अर्बन को- ऑप. लिमी. २०, मलकापूर अर्बन को- ऑप. लिमी. १८, नागपूर नागरिक सहकारी बँक लिमी. १६, अकोला अर्बन को- ऑप. लिमी. १५, द महानगर को- ऑप. बँक लिमी. मुंबई १२, जनता को- ऑप. लिमी. मालेगाव १२, मलकापूर अर्बन को- ऑप. लिमी. १२, जनता सहकारी बँक लिमी. १२, द अकोला जनता कमर्शियल को- ऑप. बँक लिमी. ११, शिक्षक सहकारी बँक लिमी. ८ तक्रारी आणि इतरही बऱ्याच बँकांच्या विरोधात कमी- अधिक तक्रारी आल्या आहेत.