महापालिकेकडे एक दिवस पुरेल इतकाच लससाठा

दरम्यान, शुक्रवारी इंदिरा गांधी वैद्यकीय रुग्णालयात कर्मचारी वेळेत न पोहचल्यामुळे आणि लस नसल्याने नागरिक संतप्त झाले.

पुरवठा न  झाल्यास केंद्र बंद ठेवावे लागणार

नागपूर : महापालिकेच्या आरोग्य विभागाकडे एक दिवस पुरेल इतकाच लससाठा आहे. शुक्रवारी  सायंकाळपर्यंत लसीचा पुरवठा झाला नाही तर शनिवारी शहरातील काही भागातील लसीकरण केंद्र बंद ठेवावे लागू शकतात.

शहरात १८९ लसीकरण केंद्र  सुरू  असून त्यात महापालिकेचे  १०२ आणि शासकीय आणि  खाजगी ८७ केंद्र आहेत. त्यात  महापालिकेचे इंदिरा गांधी रुग्णालय, दटके आरोग्य केंद्र, पाचपावली आरोग्य केंद्रांत दररोज ४०० ते ५००लोकांना लस दिली जात आहे. परंतु आता दोन्ही लसींचा तुटवटा निर्माण झाला आहे, नागरिकांना  परत जावे लागत आहे. रोज ८ ते १० हजार लोकांचे लसीकरण केले जात असल्याचे भांडार विभागाचे प्रमुख भातकुलकर यांनी सांगितले.

दरम्यान, शुक्रवारी इंदिरा गांधी वैद्यकीय रुग्णालयात कर्मचारी वेळेत न पोहचल्यामुळे आणि लस नसल्याने नागरिक संतप्त झाले. रांगेत उभे राहणाऱ्या लोकांनी  राजकीय वशिलेबाजी बंद करा अशी मागणी केली.

अनेक नागरिकांना सकाळपासून रांगेत उभे करण्यात आले आणि त्याचवेळेस दुसऱ्या प्रवेशद्वाराने  काही ओळखीच्या लोकांना आत सोडण्यात आले. त्यामुळे ज्येष्ठ नागरिकांनी रुग्णालयातील  वैद्यकीय अधिकारी व अतिरिक्त आयुक्तांना धारेवर धरले. लोक शांत झाल्यावर तासाभरानंतर लसीकरण सुरळीत झाले. खाजगी रुग्णालयात लसीकरण बंद करणार शासकीय व महापालिका रुग्णालयात लसीचा तुटवडा बघता खाजगी रुग्णालयातील लसीकरण बंद करण्यात येणार आहे. त्याबाबतीत महापालिका प्रशासनाकडून निर्णय घेतला जाणार, असल्याचे जोशी यांनी सांगितले.

लसीकरण केंद्र

एकूण –  १८९

महापालिका – १०२ 

शासकीय व खाजगी – ८७

शुक्रवारचा लसीकरणाचा साठा

कोव्हॅक्सिन – ६०० लस

कोविशिल्ड –  ३०० लस

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नागपूर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Municipal corporation has enough vaccine for one day akp

Next Story
नागपूर सुधार प्रन्यासच्या विश्वस्तपदासाठी गडकरी-फडणवीस समर्थकांमध्ये चढाओढ
ताज्या बातम्या