“चंद्रशेखर बावनकुळे यांचा जीवनपट हा संघर्षाचा आहे. ऑटोरिक्षा चालविण्यापासून त्यांचा प्रवास सुरू झाला. विशेष म्हणजे, त्यांनी बायकोपण पळवून आणली आहे.”, असा गौप्यस्फोट केंद्रीयमंत्री नितीन गडकरी यांनी केला.

या बातमीसह सर्व प्रीमियम कंटेंट वाचण्यासाठी साइन-इन करा

माजी मंत्री चंद्रशेखर बावनकुळे यांची प्रदेशाध्यक्षपदी निवड झाल्यानंतर त्यांचा वसंतराव देशपांडे सभागृहात सत्कार करण्यात आला, त्यावेळी ते बोलत होते.

नागपूर : फडणवीस जर दिल्लीत गेले तर बावनकुळेंना मुख्यमंत्री पदाची संधी – गडकरी

गडकरी म्हणाले, “बावनकुळेंनी बायको कशी पळवून आणली, त्यांनी कसं केलं ते तुम्हाला आता एकट्यात सांगतील. तरुणांसाठी ते गुपीत उपयोगाचे आहे. पण, ज्येष्ठांनी या भानगडीत पडू नये.”, असा सल्लाही गडकरींनी यावेळी दिला.

…या परीक्षेत ते यशस्वी झाले –

“बावनकुळे हे झोकून देऊन काम करणारे कार्यकर्ते आहेत. राज्यात ऊर्जा खात्याचे मंत्री असताना त्यांनी चांगले काम केले. तिकीट मिळाले नाही तरी पूर्ण ताकदीने पक्षासाठी त्यांनी काम केले. या परीक्षेत ते यशस्वी झाले. कार्यकर्त्यांमध्ये बावनकुळे आजही तेवढेच लोकप्रिय आहेत. पक्षाने त्यांना सेवा करण्याची संधी दिली आहे. आगामी काळात त्यांच्या कर्तृत्वाला अधिक वाव मिळेल. पक्ष मजबुतीचे आव्हानही त्यांच्यासमोर आहे”., याकडेही गडकरी यांनी लक्ष वेधले.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Nagpur chandrashekhar bawankule also abducted his wife nitin gadkari msr
First published on: 13-08-2022 at 21:56 IST