अशोक चक्रावर झाडूच्या चित्रावरून वाद, कॉंग्रेस नेते नितीन राऊत म्हणाले…

यावेळी बोलताना राष्ट्रीय चिन्ह अशोक चक्राला महापालिकेने पायदळी तुडवत असल्याचे होर्डिंगवर दाखविले आहे. यावरून देशाचे, राष्ट्रीय झेंड्याचे, राष्ट्रीय चिन्हाचे महत्व कमी करण्याचा हा प्रयत्न भारतीय जनता पार्टी आणि राष्ट्रीय स्वयंसेवक संघ समर्थित नागपूर महापालिकेच्या अधिकाऱ्यांनी सूडबुद्धीने केला असल्याचे डॉ. राऊत म्हणाले. भारताच्या राष्ट्रध्वजावर सन्मानाने फडकणाऱ्या अशोक चक्रावरील २४ आऱ्यांवर भारतवासीयांच्या वेगवेगळ्या भावना व अधिकार दर्शवलेले आहेत. याच पवित्र अशोक चक्राच्या चिन्हावर झाडूचे चिन्ह दर्शवून नागपूर महापालिकेला कोणता संदेश पोहोचवायचा आहे? असा देखील प्रश्न डॉ. राऊत यांनी यावेळी उपस्थित केला.

आणखी वाचा

ठाण्यातील झोपडपट्ट्यांमध्ये सर्वंकष स्वच्छता मोहीमेला सुरूवात

Rohit Patil : “अमृताहुनी गोड…”; विधानसभेत रोहित पाटलांचं…

महापालिका आयुक्तांचा आदेश आणि पहिल्याच दिवशी झाले इतके काम ! महापालिकेची सर्वंकष स्वच्छता मोहीम, १६ टन राडारोडा, २४ टन कचराही उचलला

Video: “सासऱ्यांचाच आग्रह होता की…”, जयंत पाटलांच्या ‘त्या’ मुद्द्यावर देवेंद्र फडणवीसांची मिश्किल टिप्पणी!

संभल प्रशासनाकडून दंगलखोरांचे फलक; परिसरात ६ डिसेंबरच्या पार्श्वभूमीवर कडक बंदोबस्त

सुखबीर बादल यांना सुवर्ण मंदिरात शौचालय आणि भांडी साफ करण्याचे आदेश; कारण काय?

सुखबीर सिंग बादल यांना शौचालय स्वच्छ करण्याची शिक्षा ‘अकाल तख्त’कडून धार्मिक शिक्षा जाहीर

अहिल्यानगर : सौंदाळा येथे शिव्या देण्यावर बंदीचा ठराव मंजूर, ग्रामपंचायतीकडून दंडात्मक कारवाईचा ग्रामसभेत निर्णय

हेही वाचा – एकच व्यक्ती, एकच वेळी शाळेत मुख्याध्यापक अन् बॅंकेत लिपिकही!

महापालिकेने अशोक चक्राला चुकीच्या स्वरूपात शहरातील लाखो नागरिकांसमोर सादर केले. अशोक चक्राच्या विद्रुपीकरणामुळे देशावर प्रेम करणाऱ्यांच्या आणि एका विशिष्ट समाजाच्या धार्मिक भावना दुखावणारे आणि भडकावणारी चित्र होर्डिंगवर प्रदर्शित करण्यात आली असून लाखो नागरिकांच्या अस्मितेला ठेच पोहचली आहे. यावरून मागील १५ वर्षापासून महापालिकेची सत्ता भोगणाऱ्या भारतीय जनता पार्टीचे मनुवादी विचारधारेतील मनसुभे पुन्हा एकदा उघड झाले असल्याचे यावेळी डॉ. राऊत म्हणालेत. त्यांनी महापालिकेच्या या कारस्थानाचा तीव्र निषेध केला आहे.

तरुणांनी दाखविले अशोक चक्रावरील झाडूचे चित्र

आकाशवाणी चौकात सिग्नलवर डॉ. नितीन राऊत यांची गाडी थांबली असता काही तरुण त्यांच्याकडे आले व त्यांनी एका होर्डिंगवर, महापालिकेने केलेला अशोक चक्राचा अवमान दाखविला.

हेही वाचा – देशी कारागिरांना भरभरून प्रतिसाद, तब्बल दहा लाखाची विक्री

महापालिकेद्वारे आयोजित स्वच्छता दौडमध्ये मनपा आयुक्त डॉ. अभिजीत चौधरी, जिल्हाधिकारी डॉ. विपीन इटनकर, अतिरिक्त आयुक्त श्रीमती आंचल गोयल, पोलीस उपायुक्त निमित गोयल यांनी उत्स्फूर्तपणे सहभाग घेतला परंतु यांनी अशोक चक्राच्या झालेल्या अवमानाकडे दुर्लक्ष केल्याचा आरोप आहे.

दरम्यान महापालिकेने हा आरोप फेटाळून लावला आहे. केंद्र सरकारच्या स्वच्छता अभियान अंतर्गत स्वच्छता दौड आयोजित करण्यात आली होती. त्यासाठी अभियानाच्या माध्यमातून चित्र उपलब्ध करून देण्यात आले होते, तेच चित्र होर्डिंग्जवर दर्शवण्यात आले आहे.