नागपूर : सोन्याचे दर नियंत्रणात येत नाही. करोनानंतर बघता- बघता ते विक्रमी उंचीवर पोहचले होते. त्यानंतर दर जास्तच होते. सोन्याच्या दरात मोठी घसरण झाल्याने दसरा व दिवाळीच्या मुहर्तावर सोने- चांदीच्या दागिन्यात गुंतवणूक करणाऱ्यांमध्ये चिंता वाढली होती. परंतु आता पुन्हा सोन्याच्या दरात मोठे बदल झाल्याने सोने- चांदीचे दागिने खरेदीस उत्सुक असलेल्यांमध्ये चिंता वाढली आहे. मंगळवारी सोन्याचे दर काय होते? त्याबाबत आपण जाणून घेऊ या.
भारतात सगळ्याच जाती- धर्मच्या नागरिकांमध्ये सोने- चांदीच्या दागिन्याचे आकर्षण आहे. सणासुदीसह सनासुदीला दागिने घातले जातात. दसरा, दिवाळीसह इतरही मुहर्तावर सोने- चांदीचे दागिने, देवी- देवतांची मुर्तीसह इतरही वस्तू खरेदी करणाऱ्यांची भारतात परंपरा आहे. यंदाच्या दिवाळीत सोने- चांदीचे दर विक्रमी उंचिवर होते. त्यानंतरही धनत्रयोदशीच्या मुहर्तावर नागपुरातील सराफा बाजारात सुमारे दीडशे कोटीचा व्यवसाय झाल्याचा अंदाज व्यवसायिकांनी नोंदवला. त्यामुळे आताही नागरिकांमध्ये सोने- चांदीच्या धातूमध्ये गुंतवणूक करण्याचा जोर कायम दिसला. दरम्यान नागपुरातील सराफा बाजारात मंगळवारी (११ नोव्हेंबर २०२५) सोने- चांदीच्या दरात किंचित वाढ नोंदवली गेली. त्यामुळे ग्राहकांमध्ये चिंता वाढली आहे.
नागपुरातील सराफा बाजारात सोन्याचे दर शुक्रवारी (७ नोव्हेंबर २०२५ रोजी) २४ कॅरेटमध्ये प्रति दहा ग्राम १ लाख २० हजार ५०० रुपये, २२ कॅरेटमध्ये १ लाख १२ हजार १०० रुपये, १८ कॅरेटमध्ये ९४ हजार, १४ कॅरेटमध्ये ७८ हजार ३०० रुपये होते. हे दर मंगळवारी दुपारी (११ नोव्हेंबर २०२५ रोजी) २४ कॅरेटमध्ये प्रति दहा ग्राम १ लाख २४ हजार ५०० रुपये, २२ कॅरेटमध्ये १ लाख १५ हजार ८०० रुपये, १८ कॅरेटमध्ये ९७ हजार १००, १४ कॅरेटमध्ये ८० हजार ९०० रुपये नोंदवले गेले. त्यामुळे सोन्याचे दर पून्हा विक्रमी उंचिकडे जातांना दिसत आहे. त्यामुळे ग्राहकांमध्ये चिंता वाढली आहे.
चांदीच्या दरातही घसरण…
नागपुरातील सराफा बाजारात चांदीचे दर शुक्रवारी (७ नोव्हेंबर २०२५) प्रति किलो १ लाख ४९ हजार २०० रुपये नोंदवले गेले. हे दर मंगळवारी (११ नोव्हेंबर २०२५) प्रति किलो १ लाख ५५ हजार ५०० रुपये नोंदवले गेले. त्यामुळे चांदीचेही दर वाढलेले दिसत आहे.
