नागपूर : इंधन दरवाढ झाल्याने नागपूर शहर बसच्या (आपली बस) प्रवास भाड्यात १६ जूनपासून १७ टक्क्यांची वाढ करण्यात आली. किमान भाडे १२ रुपये करण्यात आले. त्याचबरोबर ऑटोरिक्षा चालकांनीही एक किलोमीटरसाठी १८ रुपये दर निश्चत केले आहे. या तुलनेत नागपूर मेट्रोचे दर सर्वात कमी म्हणजे एका टप्प्यासाठी फक्त पाच रुपये आहेत.

इंधन दरवाढीची झळ सर्वांनाच बसली असून जीवनावश्यक वस्तूंचे दर वाढले आहेत. पेट्रोलच्या किंमती वाढल्याने दुचाकी वापरणाऱ्यांचे महिन्याचे बजेट कोलमडले असून पेट्रोलच्या खर्चात दुप्पटीने वाढ झाली. एका घरात किमान दोन दुचाकी आहेत. त्यांचा महिन्याचा पेट्रोलचा खर्च अडीच ते तीन हजारावर गेला. त्यामुळे अनेक जण सार्वजनिक वाहतूक साधनांचा वापर करू लागले. परंतु आता शहर बस आणि ऑटोचालकांनीही प्रवासी भाड्याच्या दरात घसघशीत वाढ केली.

thane, traffic route changes marathi news, namo central park marathi news
नमो सेंट्रल पार्क परिसरात मोठे वाहतूक बदल; शनिवार, रविवार या दिवशीच लागू असणार बदल, वाहतूक कोंडी टाळण्यासाठी उपाययोजना
nagpur, New Underpass, Road Under Railway line, Manas Chowk, Causes Issues, Large Vehicles, Traffic Congestion,
मानस चौकातील भुयारी मार्गामुळे नागपूरकरांना भोवळ! बोगदा संपताच सिग्नल असल्याने वाहतूक कोंडी
Jamtara Train accident
झारखंडच्या जामतारा स्थानकाजवळ मोठी दुर्घटना, रेल्वेची १२ प्रवाशांना धडक, दोन जणांचा मृत्यू
Demolition of Shiv flyover delayed again due to examinations Mumbai
मुंबई: परीक्षांमुळे शीव उड्डाणपुलाचे पाडकाम पुन्हा लांबणीवर

या पार्श्वभूमीवर मट्रोची सेवा सध्या सर्वात स्वस्त आणि सुरक्षित आहे. सध्या मेट्रो वर्धा आणि हिंगणा मार्गावर धावत असून त्याचे तिकीट दर पाच रुपये ते १० रुपये आहेत. शिवाय ही वातानुकूलित सेवा असून विद्यार्थी आणि चाकरमान्यांसाठी सोयीची आहे.

हेही वाचा : पुण्यासाठी १४० किमी प्रतितास धावणारी बिनपैशांची मेट्रो? नितीन गडकरींनी सांगितलं गणित!

शिवाय मेट्रोने सायकलसह प्रवास करण्याची मुभा दिली असून प्रत्येक स्थानकावर ‘ई-बाईक’ आणि सायकल सेवाही उपलब्ध करून दिली आहे. त्यामुळे मोठ्या संख्येने प्रवासी मेट्रोकडे वळू लागले आहेत. गर्दी वाढल्याने मेट्रोने फेऱ्यांची संख्या वाढवली असून रात्री १० पर्यंत आता मेट्रो धावते.