नागपूर : पीडिता सकाळी आंघोळीसाठी न्हाणीमध्ये गेली. याठिकाणी तिला भ्रमणध्वनी ठेवलेला दिसला. पीडितेने या भ्रमणध्वनीची तपासणी केल्यानंतर तिला धक्का बसला. या भ्रमणध्वनीचा कॅमेऱ्यातून चित्रिकरण सुरू असल्याचे तिच्या निदर्शनास आले. यावेळी आरोपी हा दारातून सर्व प्रकार पाहत होता. पीडितेने आरडाओरड केल्याने तिची मोठी बहीण धावत आली. त्यानंतर, आरोपीने भ्रमणध्वनी देण्याबाबत दोघींनाही धमकावले. पीडितेच्या तक्रारीवरून उमरेड पोलिसांनी गुन्हा दाखल केला. हेही वाचा : नागपूर : महावितरणच्या कार्यकारी अभियंत्याला दोन हजारांची लाच घेताना अटक हेही वाचा : यवतमाळ : शेतकरी कन्येने शिकवणी वर्गाशिवाय ‘नीट’ परीक्षेत मिळवले ६१० गुण अल्पवयीन मुलीची आंघोळ करतानाची चित्रफीत बनवणाऱ्या आरोपीला अतिरिक्त सत्र न्यायाधीश के.जी. राठी यांनी दोन वर्षे सश्रम कारावास व दोन हजार रुपये दंड, अशी शिक्षा ठोठावली. महेश मोरेश्वर डंभारे (२५, रा. मंगळवारी पेठ, उमरेड) असे शिक्षा झालेल्या आरोपीचे नाव आहे. न्यायालयाने सर्व पुरावे व साक्ष लक्षात घेत आरोपीस दोषी ठरवले. सरकारतर्फे ॲड. श्याम खुळे यांनी बाजू मांडली.
