South East Central Railway: चंद्रपूर जिल्ह्यात या नवीन मार्गामुळे आता आणखी एक रेल्वे जंक्शन अस्तित्वात...!

नागपूर आणि चंद्रपूर जिल्ह्याला जोडणारा इतवारी (नागपूर)- नागभीड रेल्वे मार्गाचे काम पूर्ण होताच चंद्रपूर जिल्ह्यात आणखी एका जंक्शनची भर पडणार आहे.

Written by लोकसत्ता टीम

नागपूर

January 29, 2026 11:28 IST

Nagpur Nagbhid railway line to create new junction in Chandrapur district

चंद्रपूर जिल्ह्यात नवीन मार्गामुळे आता आणखी एक रेल्वे जंक्शन अस्तित्वात...! चंद्रपूर जिल्ह्यात नवीन मार्गामुळे आता आणखी एक रेल्वे जंक्शन अस्तित्वात...! (Photo-Indian Railway)

नागपूर : नागपूर आणि चंद्रपूर जिल्ह्याला जोडणारा इतवारी (नागपूर)- नागभीड रेल्वे मार्गाचे काम पूर्ण होताच चंद्रपूर जिल्ह्यात आणखी एका जंक्शनची भर पडणार आहे. नागपूर-नागभीड या ब्रॉडगेज रेल्वेमागांचे काम उमरेडपर्यंत पूर्ण झाले असून उर्वरित मार्गाचे काम सुरू आहे.

नागपूरला उमरेडसह भिवापूर, भंडारा जिल्ह्यातील पवनी आणि चंद्रपूर जिल्ह्यातील काम्पा, नागभीडशी जोडणारा अतिशय महत्त्वाचा हा रेल्वेमार्ग आहे. नॅरोगेजमधून ब्रॉडगेजमध्ये रूपांतरित होणारा महाराष्ट्रातील हा शेवटचा रेल्वेमार्ग आहे. या रेल्वे मार्गामुळे नागपूरला उमरेड, भिवापूर, भंडारा जिल्ह्यातील पवनी आणि चंद्रपूर जिल्ह्यातील काम्पा, नागभीडशी जोडणारा अतिशय महत्त्वाचा हा रेल्वेमार्ग आहे. नागपूर ते गोंदिया आणि नागपूर ते बल्लारशहा आणि नागपूर ते वर्धा अतिरिक्त मार्ग उपलब्ध होणार आहे.

या प्रकल्पाला चालना देण्यासाठी सुधारित खर्चास आणि त्यासाठी राज्य शासनाचा वाटा देण्यास आज राज्य सरकारने मंजुरी दिली. या निर्णयानुसार राज्य शासन रेल्वेला ४९१ कोटी ५ लाख रुपये देणार आहे. भारतीय रेल्वे आणि राज्य सरकारच्या ५० टक्के वाट्या मधून या प्रकल्पाचे काम सुरू आहे. राज्यातील ग्रामीण भागातील रेल्वे प्रकल्पांना गती मिळावी यासाठी ५० टक्के आर्थिक भार उचलण्याचे धोरण आहे. हा मार्ग पूर्ण झाल्यास नागभीड ते वडसा देसाईगंज, गोंदिया तसेच पुढे गडचिरोलीपर्यंत विस्तारला जाणार आहे. यामुळे या भागातील जनतेला दळणवळण मार्ग उपलब्ध होणार आहे. नागपूर, गोंदिया, चंद्रपूर, गडचिरोली जिल्ल्यातील रेल्वेचे जाळे सक्षम होण्यास मदत होणार आहे.

हेही वाचा

अजित पवारांच्या अकाली मृत्यूनंतर राष्ट्रवादीत नेतृत्वाची पोकळी… पक्षाची धुरा आता कोणाकडे?

हा रेल्वे मार्ग अस्तित्वात आल्यानंतर इंग्रज कालिन नॅरोगेज रेल्वेचे मोठे जंक्शन असलेल्या नागभीडला पुन्हा जंक्शनचे रुप प्राप्त होणार आहे. नागभीड येथून नागपूर, बल्लारशहा आणि गोंदिया जवळपास समान अंतर आहे.

निवडक प्रकल्पांच्या खर्चाचा ४० ते सुधारित आराखडा दोन हजार कोटींचा महाराष्ट्र रेल इन्फ्रास्ट्रक्चर डेव्हलपमेंट कार्पोरेशन लिमिटेडने (महारेल) १४०० कोटी रुपयांचा प्रस्ताव तयार केला होता. यापैकी साठ टक्के कर्ज आणि चाळीस टक्के समभाग मूल्य यानुसार प्रकल्प राबवण्याचा निर्णय घेण्यात आला होता, आता हा प्रकल्प सुमारे ८० ते ८५ टक्के पूर्ण झाला आहे. हा प्रकल्प पूर्ण व्हावा यासाठी महाराष्ट्र रेल इन्फ्रास्ट्रक्चर डेवलपमेंट कार्पोरेशन लिमिटेडने सुधारित २ हजार ३८३ कोटी रुपयांचा आराखडा तयार केला आहे. सुधारित आराखड्यानुसार या प्रकल्पातील राज्य शासनाचा वाटा टक्क्यांवरून ३२.३३७ टक्के होणार आहे. यातील राज्य शासनाच्य वाटयाचे ७५७१ कोटी ५ लाख रुपयांपैकी २८० कोटी रुपये यापूर्वी देण्यात आले आहेत.

South East Central Railway: चंद्रपूर जिल्ह्यात ‘या’ नवीन मार्गामुळे आता आणखी एक रेल्वे जंक्शन अस्तित्वात…!