नाना पटोलेंचे विश्वासू भाजपमध्ये

​शंकर राऊत हे केवळ ओबीसी सेलचे जिल्हाध्यक्ष नव्हते, तर नाना पटोले यांच्या राजकीय रणनीतीमधील एक महत्त्वाचा दुवा मानले जात होते. हक्काच्या माणसानेच साथ सोडल्याने नाना पटोलेंना हा मोठा राजकीय आणि वैयक्तिक धक्का मानला जात आहे.

भाजप नेते परिणय फुके व भाजपा जिल्हा अध्यक्ष आशु गोंडाने यांच्या उपस्थितीत हा पक्षप्रवेश सोहळा पार पडला. परिणय फुके यांनी अत्यंत गुप्तपणे ही राजकीय खेळी यशस्वी केल्याची चर्चा सध्या जिल्ह्यात रंगली आहे. शंकर राऊत यांच्या भाजप प्रवेशामुळे भंडारा जिल्ह्यात ओबीसी मतपेढीवर काँग्रेसची असलेली पकड ढिली होण्याची शक्यता वर्तवण्यात येत आहे. राऊत यांच्या येण्याने भाजपची ताकद जिल्ह्यात वाढल्याचा दावा भाजप नेत्यांकडून केला जात आहे.