नागपूर: नागपूर ते शिर्डी या समृद्धी महामार्गाच्या उद्घाटनासाठी ११ डिसेंबरला पंतप्रधान नरेंद्र मोदी नागपूर दौऱ्यावर आहेत. त्यांच्या दौऱ्यासाठी जय्यत तयारी केली जात आहे. संपूर्ण प्रशासकीय यंत्रणा यासाठी कामी लागली आहे. मात्र, हवामान खात्याने १० ते १२ डिसेंबरदरम्यान नागपूरसह विदर्भातील काही ठिकाणी पावसाचा इशारा दिला आहे. त्यामुळे या दौऱ्यावर पावसाचे सावट असणार आहे.

या बातमीसह सर्व प्रीमियम कंटेंट वाचण्यासाठी साइन-इन करा

बंगालच्या उपसागरात बुधवारी रात्री किंवा उद्या सकाळपर्यंत चक्रीवादळ तयार होत आहे. त्याचा परिणाम म्हणजे विदर्भात काही ठिकाणी हलक्या स्वरूपात पाऊस पडण्याची दाट शक्यता आहे. सध्या वातावरणात देखील बदल झाला आहे. ११ डिसेंबरला पंतप्रधान नरेंद्र मोदी यांचा दौरा नागपुरात होणार आहे. समृद्धी महामार्गासह अनेक प्रकल्पांचे उद्घाटन मोदींच्या हस्ते होणार आहे. मिहानमधील एम्सच्या परिसरात त्यांची सभाही होणार आहे. त्यासाठी या परिसरात मोठा मंडप टाकण्यात येत आहे.

हेही वाचा: नागपूर: समृद्धीची पाहणी, मेट्रोची सफर, ‘वंदे भारत’ला हिरवा झेंडा आणि अन्य काही…. कुठे कुठे जाणार पंतप्रधान?

पंतप्रधानांनांच्या दौऱ्याची तयारी अंतिम टप्प्यात असताना प्रादेशिक हवामान केंद्राने पुढच्या काही दिवसात पावसाचा इशारा दिला आहे. केंद्राचे उपमहासंचालक एम.एल. साहू यांनी लोकसत्ताशी बोलताना सांगितले की, सध्या किमान तापमानात वाढ होत आहे आणि त्यामुळे पावसाची शक्यता आहे. बंगालच्या उपसागरात तयार होणाऱ्या चक्रीवादळामुळे १० डिसेंबरला तर नाही, पण ११ आणि १२ डिसेंबरला पावसाच्या सरी कोसळू शकतात.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Pm narendra modi to inaugurate samriddhi highway development works but there chance rain during visit nagpur rgc76 tmb 01
First published on: 07-12-2022 at 17:16 IST