नागपूर : राज्यात एकीकडे तापमान वाढल्याने विजेची मागणीही वाढली आहे. तर दुसरीकडे महानिर्मितीच्या कोराडी औष्णिक वीज निर्मिती प्रकल्पातील ६६० मेगावॉटचा संच क्रमांक ८ तांत्रिक कारणाने (४ मे) बंद पडला आहे. परिणामी, राज्यातील वीज निर्मितीचा टक्का घसरला आहे.

राज्यातील काही भागात आता उन्हाचा प्रकोप सुरू झाला आहे. उकाड्यामुळे सर्वत्र पंखे, वातानुकुलीत यंत्रासह विद्युत उपकरणांचा वापर वाढला. तर कृषीपंपांचाही वापर आता वाढत आहे. राज्यात विजेची मागणी वाढत असतांनाच कोराडीतील ६६० मेगावॉटचा संच क्रमांक ८ बॉयलर ट्यूब लिकेजमुळे ४ मे रोजी बंद पडला. संच बंद पडल्याने येथील वीज निर्मिती सुमारे ६०० मेगावॉटने कमी झाली. त्यामुळे रोजच्या १ हजार ९०० मेगावॉट ऐवजी सध्या येथे १ हजार ३१२ मेगावॉटच वीज निर्मिती होत आहे.

Maharashtra, factories,
राज्यात औद्योगिक सुरक्षेचे तीनतेरा! अतिधोकादायक, धोकादायक, रासायनिकसह ९० टक्के कारखाने तपासणीविना
Interstate racket, RTO registration, stolen heavy transport vehicles
विश्लेषण : चोरीच्या अवजड वाहनांच्या नोंदणीचे गौडबंगाल काय आहे? या प्रकारास प्रतिबंध का होऊ शकत नाही?
maharashtra state road development corporation, six road projects, samruddhi mahamarg
विश्लेषण : राज्यातील महत्त्वाकांक्षी सहा रस्ते प्रकल्प लवकरच मार्गी लागणार?
Leakage in the tunnels of the Sea Coast Project before the monsoon
पावसाळ्यापूर्वीच सागरी किनारा प्रकल्पातील बोगद्यांना गळती, मुख्यमंत्र्यांची घटनास्थळी पाहणी
Prevent acquisition of land in Koyna Valley which is highly sensitive in terms of nature and environment
कोयनेच्या खोऱ्यातील जमीनचंगळवाद रोखा! ‘लोकसत्ता’तील वृत्तानंतर सार्वत्रिक संताप
743 farmers in the state take advantage of Reconciliation scheme 6.60 crore in stamp and registration fee waiver
राज्यातील ७४३ शेतकऱ्यांमध्ये ‘सलोखा’; मुद्रांक, नोंदणी शुल्कात ६.६० कोटींची माफी
Shutdown of Koradi Power Set, Shutdown of Chandrapur Thermal Power Set, Maharashtra s Power Generation, electricity, electricity in Maharashtra,
भर उन्हाळ्यात वीज निर्मितीवर परिणाम, कोराडीनंतर चंद्रपूरमधीलही एक वीज निर्मिती संच बंद
660 MW Unit No 8 of Koradi Thermal Power Generation Plant of Mahanirti is closed due to technical reasons
.. तर राज्यात वीज संकट.. कोराडीतील ६६० मेगावाॅटचा संच बंद

हेही वाचा……तर नीटच्या परीक्षा केंद्रात प्रवेश मिळणार नाही, ही खबरदारी घ्या

संच दुरूस्तीला आणखी काही दिवस लागणार आहेत. राज्यात शनिवारी विजेची मागणी सुमारे २८ हजार मेगावॉटच्या जवळपास होती. त्यापैकी २३ हजार मेगावॉटची मागणी फक्त महावितरणची होती. मुंबईचीही मागणी ३,५०० ते ४ हजार मेगावॉटच्या जवळपास होती. दोन दिवसांत हा संच सुरू होणार असल्याचा दावा कोराडी केंद्राचे मुख्य अभियंता विलास मोटघरे यांनी केला तर महावितरणच्या जनसंपर्क विभागाने गरजेनुसार वीज उपलब्ध असल्याचे सांगितले.

हेही वाचा…नागपूर जिल्ह्यात सलग दोन दिवस भूकंपाचे धक्के, कारण काय?

सर्वाधिक वीज निर्मिती महानिर्मितीकडून

राज्यात शनिवारी दुपारी ३ वा. सर्वाधिक ८ हजार १०२ मेगावॉट वीज निर्मिती महानिर्मितीकडून होत होती. त्यात औष्णिक विद्युत प्रकल्पांतून ७ हजार ५१४ मेगावॉट, उरन गॅस प्रकल्पातून २६७ मे. वॉ., कोयना जलविद्युत प्रकल्पातून २५५ मे. वॉ., सौरऊर्जा प्रकल्पातून ६० मे. वॉ.चा समावेश होता. खासगी प्रकल्पांपैकी अदानीकडून २,६२४ मे. वॉ., जिंदलकडून १,०६९ मे. वॉ., आयडियलकडून १६४ मे. वॉ., रतन इंडियाकडून १,३४७ मे. वॉ., एसडब्लूपीजीएलकडून ४४५ मे. वॉ. वीज निर्मित होत होती. केंद्राच्या वाट्यातून राज्याला ९,५९१ मेगावॉट वीज मिळाली.