नागपूर: विरोधकांनी कितीही आरोप केलेत तरीही उपयोग नाही. आमच्याकडेही माल मसाला तयार आहे. विरोधकांनी एक केस केली की आम्ही दोन केस करणार,हे ठरलेले आहे, असा दावा भाजपचे आमदार प्रवीण दरेकर यांनी विधानभवन परिसरात प्रसारमाध्यमांच्या प्रतिनिधींशी बोलताना केला. दरेकर पुढे म्हणाले, विरोधी पक्षनेते अंबादास दानवे यांच्या कार्यालयाची जागा कुठल्या जागेवर, हे आम्हाला माहिती आहे. आताच सगळे बोलणार नाही. लवकरच यासंदर्भात स्फोट होईल. सीमाप्रश्नावर बोलताना दरेकर म्हणाले,'सीमाप्रश्नावर संपूर्ण महाराष्ट्र सीमावासीयांच्या पाठीशी असल्याचा ठराव आम्ही मांडणार आहोत. राजकारण, पक्ष या पलीकडे जाऊन सीमावासीयांना आश्वस्त करणारा ठराव असेल.
