नागपूर : ‘एमपीएससी’चा नवीन अभ्यासक्रम २०२५ पासून लागू करा, या मागणीसाठी विद्यार्थ्यांनी जिल्हाधिकारी कार्यालयासमोर शुक्रवारी आंदोलन केले. आंदोलनाचे नेतृत्व एनएसयूआय आणि स्टुडंट राईट असोसिएशनने केले. यावेळी आमदार अभिजित वंजारी उपस्थित होते.

एमपीएससीने नवीन वर्षात म्हणजेच २०२३ मध्ये संपूर्ण अभ्यासक्रम बदलून नवीन अभ्यासक्रम लागू केला आहे. अचानक अभ्यासक्रम बदलल्यामुळे विद्यार्थ्यांना अभ्यास करण्यासाठी वेळ मिळणार नाही आणि कित्येक वर्षांची मेहनत वाया जाईल. त्यामुळे हा अभ्यासक्रम २०२५ पासून लागू करण्यात यावा, अशी मागणी करत विद्यार्थी रस्त्यावर उतरले. ‘एमपीएससी’च्या परीक्षांमध्ये गेल्या कित्येक वर्षांपासून घोटाळे होत असल्याने त्याचा फटका विद्यार्थ्यांना बसत आहे. यामुळे आंदोलन करून लक्ष वेधण्याचा प्रयत्न विद्यार्थी करत आहेत. परंतु शासनाकडून दखल घेतली जात नाही. आयोगाने अभ्यासक्रम २०२५ पासून लागू करण्यास नकार दिला. नुकत्याच झालेल्या हिवाळी अधिवेशनामध्येही हा विषय चर्चेला आला होता. मात्र, आयोग २०२३ पासूनच अभ्यासक्रम लागू करण्यावर ठाम आहे. यामुळे विद्यार्थ्यांनी आंदोलन पुकारले.

Baramati Namo Maharojgar Melava
निमंत्रण पत्रिकेतील आणखी एक घोळ सुधारण्यासाठी प्रशासनाची धावाधाव
himachal pradesh political crisis
हिमाचलमधील सरकार वाचविण्याचे प्रयत्न; काँग्रेस निरीक्षक राज्यात दाखल; नाराज आमदारांशी चर्चा
narendra modi and sharad pawar
काँग्रेसच्या काळात एका रुपयाचे  १५ पैसे व्हायचे, आता मी एक बटण दाबले आणि…; पंतप्रधान माेदींकडून शरद पवार यांचे नाव न घेता टीका
pm Modi Yavatmal
पंतप्रधानांची यवतमाळमध्ये सभा, पोलिसांनी कशासाठी बजावली नोटीस?

हेही वाचा >>> अबब! झाडे कोट्यधीश तर गाणार लक्षाधीश…

पोलीस-पदाधिकाऱ्यांमध्ये तणाव

राज्यातील इतर महत्त्वाच्या शहराप्रमाणे नागपुरातही तीव्र आंदोलन झाले. यावेळी आंदोलकांनी आयोगाच्या व सरकारच्या विरोधात घोषणाबाजी केली. यावेळी एनएसयूआयच्या कार्यकर्त्यांनी रास्ता रोको आंदोलन केल्याने पोलीस आणि पदाधिकाऱ्यांमध्ये तणाव निर्माण झाला होता. आंदोलनाला एनएसयूआचे अध्यक्ष अनिरुद्ध पांडे, स्टुडंट राईट्सचे उमेश कोर्राम आदी उपस्थित होते.