लोकसत्ता टीम

अकोला : जिल्ह्याच्या पातूर तालुक्यातील सावरखेड गावाजवळील दुर्गम जंगलात एकाचा खड्ड्यात पडून संशयास्पद मृत्यू झाल्याची घटना शुक्रवारी घडली. दोन जण जखमी झाले आहेत. चार जण एका वाहनातून येथे आले होते. संशय आल्यावर त्यांना पकडण्यासाठी ग्रामस्थ गेल्यावर धावपळीत खाली पडून एकाचा मृत्यू झाला. रहेमत खान हमीद खान (रा.कारंजा, जि.वाशीम) असे मृतकाचे नाव आहे. अंद्धश्रद्धा व जादुटोण्यातून पैशांचा कथित पाऊस पाडण्याचा प्रयत्न करणारा हा प्रकार असल्याचे ग्रामस्थांचे म्हणणे आहे. या घटनेमुळे जिल्ह्यात खळबळ उडाली आहे.

New demat account openings slow down
नवीन डिमॅट खाते उघडण्याचा वेग मंदावला
AAP defeat in Delhi polls is a setback to Uddhav Thackeray and Sharad Pawar
Delhi Assembly Election: पराभव ‘आप’चा, धक्का उद्धव ठाकरे…
Patients of cold cough fever in every house of Nagpur
नागपुरात घरोघरी सर्दी, खोकला, तापाचे रुग्ण… तापमान बदलामुळे…
What happens when you drink Clove lemon tea every day health news
दररोज एक कप लिंबू-लवंगयुक्त चहाचे सेवन करा अन् शरीरातील ‘हे’ बदल पाहा; तुम्हीही आश्चर्यचकित व्हाल
Gas leak during excavation in Vasai Agarwal Nagari
वसई: खोदकाम करताना गॅस गळती, रहिवाशांमध्ये घबराट
gajlakshmi
२६ जुलैपासून ‘या’ ३ राशींवर होईल माता लक्ष्मीची कृपा! शुक्र-गुरुच्या युतीमुळे निर्माण होईल ‘गजलक्ष्मी राजयोग’, चांगले दिवस येणार
Fake police entered rikshaw tried Scamming a Girl over Vape for 50 k girl recorded it went viral on social media
‘तो’ अचानक रिक्षात शिरला अन्…, तिच्या एका निर्णयामुळे टळली दुर्घटना! तरुणीबरोबर नेमकं काय घडलं? धक्कादायक VIDEO एकदा पाहाच
rakesh roshan
“वाईट बातमी…”, गोळीबाराच्या घटनेनंतरही राकेश रोशन यांना हृतिकसाठी अंडरवर्ल्डमधून यायचे धमक्यांचे फोन; खुलासा करत म्हणाले…

पातूर तालुक्यात सावरखेड हे अतिशय दुर्गम भागात गाव आहे. या भागात विरळ लोकवस्ती आहे. गावालगतच्या जंगलात फारसा कुणाचा वावर नसतो. मध्यरात्रीच्या सुमारास काही जण चारचाकी वाहनातून त्या जंगलात गेले होते. अचानक कुणी तरी चारचाकी वाहनातून आल्याने ग्रामस्थांना त्यांच्यावर संशय आला. त्यामुळे ग्रामस्थ त्यांच्या हालचालीवर नजर ठेऊन होते. ते अंधश्रद्धा व जादूटोण्याचा वापर करून पैशांचा कथित पाऊस पाडण्याचा प्रयत्न करीत होते. त्यांनी काही विधी देखील केला होता, असे ग्रामस्थांचे म्हणणे आहे.

त्यासोबतच काही गावकऱ्यांना ते गोवंश चोरीसाठी आल्याचा संशय आला होता. त्यामुळे ग्रामस्थांनी त्यांना पकडण्यासाठी धाव घेतली. त्यानंतर संशयितांनी वाहन सोडून पळून जाण्याचा प्रयत्न केला. या धावपळीत खड्ड्यात पडून रहेमत खान हमीद खान (रा.कारंजा, जि.वाशीम) यांचा मृत्यू झाला. यामध्ये दोन जण जखमी देखील झाले आहेत. त्यांना उपचारार्थ रुग्णालयात दाखल करण्यात आले. या घटनेची माहिती मिळताच पातूर पोलिसांनी घटनास्थळावर धाव घेतली. पोलिसांनी घटनेचा पंचनामा करून सखोल तपास सुरू केला. ते संशयित घेऊन आलेल्या चारचाकी वाहनाचे चाक देखील जाळून टाकण्यात आल्याचे आढळून आले आहे. या प्रकरणात पातूर पोलीस पुढील तपास करीत आहेत. या घटनेवरून जिल्ह्यात उलट-सुलट चर्चा सुरू होती.

पातूर पोलीस ठाण्यांतर्गत सावरखेड गावाजवळील दुर्गम जंगलात काही जण चारचाकी वाहन घेऊन आले होते. अंद्धश्रद्धा व जादूटोण्यातून पैशांचा कथित पाऊस पाडण्याचा त्यांचा प्रयत्न होता, असा ग्रामस्थांना संशय आला होता. त्यामुळे धावपळीतून एकाचा मृत्यू झाला आहे. या प्रकरणात पोलीस तपास सुरू आहे. -हनुमंत डोपेवाड, पोलीस निरीक्षक, पातूर.

Story img Loader