नागपूर : डॉक्टरांनी हलगर्जीपणा करीत उपचार करण्यास उशीर केल्यामुळे एका युवकाचा जीव गेल्याचा आरोप नातेवाईकांनी केला. त्यामुळे चिडलेल्या नातेवाईकांनी रुग्णालयाची तोडफोड केली. ही घटना दुपारी एक वाजताच्या सुमारास मानकापुरात घडली. राहुल बलराम इवनाते (२८, श्रीकृष्णधाम वस्ती) असे मृत युवकाचे नाव आहे.

प्राप्त माहितीनुसार, छातीत दुखत असल्यामुळे राहुल इवनाते याला गुरुवारी सकाळी मानकापुरातील कुणाल रुग्णालयात दाखल केले. काही वेळातच तपासणी करून राहुलला डॉक्टरांनी मृत घोषित केले. राहुलच्या काही मित्रांनी डॉक्टरांना ईसीजी रिपोर्टची मागणी केली. रुग्णालय प्रशासनाने कुण्यातरी महिलेचा अहवाल त्यांना दाखवला. अहवाल चुकीचा असल्याचे डॉक्टरांना लक्षात आणून दिले. त्या अहवालावर अन्य महिलेचे नाव खोडून राहुलचे नाव लिहिण्यात आले होते, असा आरोप नातेवाईकांनी केला.

Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
house burglars
घरफोडी करणाऱ्या टोळीचे जाळे उद्ध्वस्त, हसन कुट्टीसह १० गुन्हेगार ताब्यात
Criminal action in case of beating of MSEDCL employees
महावितरण कर्मचाऱ्यांना मारहाण केल्यास महागात पडणार
shubhangi galande bold decision of pregnancy happy single mother
मला आई व्हायचंय… म्हणणाऱ्या शुभांगी गलांडेच्या ‘या’ धाडसी निर्णयाचे सोशल मीडियावर कौतुक; पाहा…

पुन्हा केला ईसीजी

राहुलला मृत घोषित केल्यानंतर नातेवाईकांना संशय आल्याने पुन्हा ईसीजी करण्यास सांगितले. त्यावेळी राहुल जिवंत असल्याचे लक्षात आले. नातेवाईकांनी लगेच राहुलला मेयो रुग्णालयात दाखल केले. मात्र, उशिर केल्याचे सांगून डॉक्टरांनी राहुलला मृत घोषित केल्याचा दावा नातेवाईकांनी केला.

रुग्णालयाची तोडफोड

कुणाल रुग्णालय प्रशासनाच्या चुकीने राहुलचा जीव गेल्याचा आरोप करीत नातेवाईक आणि मित्रांनी रुग्णालयात गोंधळ घातला. त्यानंतर रुग्णालयाची तोडफोड केली. मानकापूर पोलिसांनी तक्रारीवरून तोडफोड करणाऱ्यांवर गुन्हा दाखल केला. आरोपींचा शोध पोलीस घेत आहेत.