अमरावतीतील कवी पवन नालट यांच्या ‘मी संदर्भ पोखरतोय’ या काव्यसंग्रहाला प्रतिष्ठेचा साहित्य अकादमीचा युवा पुरस्कार जाहीर झाला आहे. पवन नालट यांनी हा पुरस्कार तरुणाईच्या लिहित्या हातांना अर्पण केला आहे. हेही वाचा- “नागपूर-हैदराबादला जोडणारी ‘वंदे भारत एक्स्प्रेस’ सुरू करा”, मुनगंटीवारांची केंद्र सरकारकडे मागणी गेल्या दोन दशकांपासून साहित्याच्या क्षेत्रात मुशाफिरी करीत असताना मिळालेला हा पुरस्कार हुरूप वाढवणारा आहे, अशी प्रतिक्रिया पवन नालट यांनी दिली. पवन नालट यांच्या या काव्यसंग्रहाला यापूर्वी प्राचार्य डॉ. किसनराव पाटील (जळगाव) यांच्या स्मृतिप्रीत्यर्थ देण्यात येणारा वाङ्मय पुरस्कार, विदर्भ साहित्य संघाचा उत्कृष्ट वाङ्मय पुरस्कार, वाङ्मय चर्चा केंद्र बेळगाव, अनिल साठे पुरस्कार आदी पुरस्कार प्राप्त झाले आहेत.