shepherd killed in tiger attack in gadchiroli zws 70 | Loksatta

गडचिरोली : वाघाच्या हल्ल्यात गुराखी ठार

प्रभाकर निकुरे हे दुपारी ३ वाजताच्या सुमारास जंगलात गुरे चारण्यास गेले असता झुडुपात दबा धरुन बसलेल्या वाघाने त्यांच्यावर हल्ला केला

गडचिरोली : वाघाच्या हल्ल्यात गुराखी ठार
प्रतिनिधिक छायाचित्र

गडचिरोली : तालुक्यातील कळमटोला येथील प्रभाकर तुकाराम निकुरे या ६० वर्षीय गुराख्यास वाघाने ठार केले. ही घटना आज दुपारी ३ वाजताच्या सुमारास कळमटोला गावापासून काही अंतरावरील वनविकास महामंडळाच्या अखत्यारीतील कक्ष क्रमांक १ च्या जंगलात घडली. प्रभाकर निकुरे हे दुपारी ३ वाजताच्या सुमारास जंगलात गुरे चारण्यास गेले असता झुडुपात दबा धरुन बसलेल्या वाघाने त्यांच्यावर हल्ला केला.

यात ते जागीच गतप्राण झाले. घटनेची माहिती मिळताच पोलीस आणि वनविकास महामंडळाच्या अधिकाऱ्यांनी घटनास्थळी जाऊन पंचनामा केला. दीड महिन्यांपूर्वी प्रभाकर निकुरेच्या भावालाही वाघाने ठार केले होते. ऐन दिवाळीच्या दिवशी ही घटना घडल्याने हळहळ व्यक्त करण्यात येत आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 24-10-2022 at 19:56 IST
Next Story
वाशीम : दारूसाठी पैसे दिले नाही म्हणून दोघात भांडण; एकाचा खून ; दोनद येथील घटना