अमरावती : टायर फुटल्याने भरधाव ट्रक कारला धडकला; भीषण अपघात वडील व मुलगी ठार; आई गंभीर जखमी

साहेबराव खरबडे हे पत्नी विजया आणि मुलगी रेणू यांच्‍यासह वर्धा येथून अमरावतीला येत असताना शहरालगत वैष्णोदेवी मंदिराजवळ समोरून भरधाव वेगात येणाऱ्या ट्रकचा समोरील टायर फुटला आणि भरधाव वेगात असणारा हा ट्रक कारवर धडकला. हा अपघात इतका भीषण होता की कारच्या समोरच्या भागाचा संपूर्ण चुराडा झाला. रेणू खरबडे या कार चालवत होत्या तर त्यांच्या शेजारी त्यांचे वडील साहेबराव खरबडे बसले होते. साहेबराव खरवडे हे घटनास्थळीच ठार झाले. तर रेणू खरबडे यांना रुग्णालयात नेले असता डॉक्टरांनी त्यांना मृत घोषित केले. या अपघातात गंभीर जखमी असणाऱ्या विजया खरबडे यांच्यावर खाजगी रुग्णालयात उपचार सुरू असून ट्रक चालक देखील गंभीर जखमी आहे.

आणखी वाचा

“बाकीचं नंतर बघू, आधी माझ्या किडन्या तपासा”, मनोज जरांगेंच्या किडनीचा नेमका घोळ काय?

सुप्रीम कोर्टाच्या निर्देशानंतर राजकीय हालचालींना वेग, भाजपाकडून ‘प्लॅन बी’ तयार? बावनकुळे म्हणाले…

“मी तिच्याबरोबर मेलो,” १६ वर्षीय मुलीच्या आत्महत्येनंतर अभिनेत्याची भावुक पोस्ट; म्हणाला, “जिथे जात, धर्म, पैसा…”

“आदित्यसाहेब आणि त्यांचा बाप…”, रामदास कदमांची टीका; म्हणाले, “…आता दोघंही पळतायत!”

हेही वाचा >>>अमरावती : शरद पवारांना धमकी देणाऱ्या सौरभ पिंपळकरला तात्‍काळ अटक करा, राष्‍ट्रवादी काँग्रेस आक्रमक, पोलीस आयुक्‍तांना निवेदन

अपघातानंतर नागरिकांची गर्दी घटनास्थळावर उसळली. तसेच या मार्गावरील वाहतूक बराच वेळ पर्यंत खोळंबली. अपघात होताच लगतच्या हॉटेलमधील कर्मचारी धावून आलेत आणि त्यांनी कारमध्ये अडकलेल्या तिघांनाही बाहेर काढले. फ्रेझरपुरा पोलीस घटनास्थळी दाखल झाल्यावर त्यांनी घटनास्थळीवरील गर्दी पांगवली.