नागपूर : परभनी येथे भारतीय संविधानाची विटंबना करण्याची घटना अत्यंत निषेधार्ह आहे. हा प्रकार महामानव डॉ. बाबासाहेब आंबडेकर व संविधानाला मानणाऱ्या कोट्यवधी जनतेचा घोर अपमान आहे. संविधानाची विटंबना करणाऱ्यांच्या मुसक्या आवळून त्यांना कठोर शिक्षा झाली पाहिजे, अशी मागणी प्रदेश काँग्रेसचे अध्यक्ष नाना पटोले यांनी म्हटले आहे.
परभनी येथे संविधानाच्या प्रतिकृतीचा अवमना झाला. त्याच्या निषेधार्थ आंबेडकरी संघटनांनी काल बंद पुकारला होता. त्यानंतर तेथे त्यानंतर तेथे हिंसक घटना घडल्या. मुख्यमंत्री देवेंद्र फडणवीस यांनी प्रतिकृतीचा अवमान करणारा माथेफिरु होता. त्याला अटक करण्यात आली आहे.
हेही वाचा…संसर्गजन्य आजारावर प्रभावी उपाय: नागपुरात मेट्रोपोलीटन सर्वेलन्स युनिट…
u
आंबेडकरांना मानणाऱ्यांनी संविधानाप्रमाणे वागले पाहिजे, असे आवाहन केले. तर काँग्रेसचे प्रदेशाध्यक्ष नाना पटोले यांनी डॉ. बाबासाहेब आंबेडकर यांनी दिलेल्या पवित्र संविधानाची विटंबना करण्याचे धाडस होतेच कसे, असा संतप्त सवाल केला. यासंदर्भात नाना पटोले यांनी एका निवेदन काढले आहे. ते म्हणाले, या घटनेचा काँग्रेस पक्ष तीव्र शब्दात निषेध करत आहे. छत्रपती शिवाजी महाराज, शाहू, फुले, आंबेडकरांच्या विचाराच्या महाराष्ट्रात संविधानाची विटंबना करणाचा प्रकार चिंतानजक व महाराष्ट्राची मान शरमेने खाली घालण्यास लावणारा आहे. अशा विकृती शोधून त्यांच्यावर कठोर कारवाई केली पाहिजेच पण परभणीत आगडोंब उसळत असताना राज्याचे मुख्यमंत्री व दोन्ही उपमुख्यमंत्री मात्र मलईदार खाती व मंत्रीपदे वाटून घेण्यात व्यस्त आहेत. या सरकारला राज्याचे काही देणेघेणे नाही. संविधान न माननाऱ्या विचाराचे लोक सत्तेत आहेत त्यामुळे असे प्रकार होत आहेत.
हेही वाचा…भंडारा : वाघाला चक्क गावकऱ्यांनीच घेरले अन…
परभणीत संविधानाची विटंबना झाल्यानंतर शहरात पोलीसांनी आंबेडकरी अनुयायांना अमानुष मारहाण केली, अश्रुधुरांच्या नळकांड्या फोडल्या, संचारबंदी लावली, इंटरनेट, एसटी सेवा बंद केली. पोलीस व प्रशासन परभणीतील परिस्थिती व्यवस्थित हाताळू शकले नाहीत. आंबेडकरी अनुयायांना केलेल्या मारहणाची चौकशी करून जिल्हा पोलीस अधिक्षक यांना तात्काळ निलंबत करावे अशी मागणी नाना पटोले यांनी केली आहे. परभणीतील घटनेचा नागपूरच्या अधिवेशनात सरकारला जाब विचारू पण अशा घटना महाराष्ट्रात होणार नाहीत याची खबरदारी घ्यावी. लोकांनी अफवांना बळी न पडता लोकशाही मार्गाने या घटनेचा निषेध करावा असे आवाहनही पटोले यांनी केले आहे.
