सुनेत्रा पवारांचा नागपुरातील पत्ता असा, शपथविधी होताच पाटी बदलली

होण्याचा मान त्यांना मिळाला आहे. पण त्याला अजित पवारांच्या निधनाची दुःखद अशी किनार आहे. त्यानंतर तासाभरातच मंत्रीपदाची शपथ घेतल्यानंतर त्यांच्याकदे देण्यात येणारे खाते वाटपही जाहीर करण्यात आले. यापूर्वी अजित पवारांकडे जी खाती होती त्यापैकी केवळ अर्थमंत्रीपद न देता राज्य उत्पादन शुल्क, क्रीडा व युवक कल्याण विभाग, अल्पसंख्याक आणि वक्फ ही तीन खाती सुनेत्रा पवार यांना देण्यात आली आहेत.

दरम्यान, शपथविधी आणि खाते वाटप झाल्यानंतर काही वेळातच सुनेत्रा पवार यांना नागपूर येथील ‘विजयगड’ हा बंगला क्रमांक ३१/१ हे शासकीय निवासस्थानही त्यांना देण्यात आले आहे. यापूर्वी अजित पवारांसाठीच हा बंगला देण्यात आला होता. त्यावरची केवळ पाटी बदलून आता ती श्रीमती सुनेत्रा अजित पवार, उपमुख्यमंत्री अशी केली आहे. विशेष म्हणजे, राज्यात दोन उपमुख्यमंत्री झाल्यावर सार्वजनिक बांधकाम विभागाने अजित पवार यांच्यासाठी विजयगड बंगला नव्याने बांधला. त्यामुळे नव्या उपमुख्यमंत्री सुनेत्रा पवार यांचा नागपूरमधील नवा पत्ता “विजयगड, जीपीओ चौक” असा असणार आहे.

त्याचबरोबर मुंबईतही “देवगिरी” हा बंगला अजित पवार यांच्याकदे अनेक वर्षांपासून होता. आता हा बंगला देखील सुनेत्रा पवार यांना देण्यात येणार असल्याची चर्चा आहे. म्हणजेच या बंगल्यावरील केवळ पाटी बदलून ती अजित पवार, उपमुख्यमंत्री ऐवजी श्रीमती सुनेत्रा अजित पवार, उपमुख्यमंत्री अशी होईल, असेही सांगितले जात आहे.

नागपूरमधील उपमुख्यमंत्री निवासस्थान असलेल्या विजयगडावरील अजित पवार नावाची पाटी बदलली. विजयगड निवासस्थाला श्रीमती सुनेत्रा अजित पवार, उपमुख्यमंत्री नवी पाटी लागली आहे. राज्यात दोन उपमुख्यमंत्री झाल्यावर सार्वजनिक बांधकाम विभागाने अजित पवार यांच्यासाठी विजयगड बंगला नव्याने बांधला. तत्कालीन उपमुख्यमंत्री अजित पवार यांचे विजयगड बंगला आता नव्या उपमुख्यमंत्री सुनेत्रा पवार यांचा असणार आहे.  सुनेत्रा पवार यांचा शपथविधी पार पडताच पाटी बदलली.  नव्या उपमुख्यमंत्री सुनेत्रा पवार यांचा नागपूरमधील नवा पत्ता विजयगड, जीपीओ चौक असणार आहे.