नागपूर : धामणाजवळील चामुंडी कंपनीत झालेल्या स्फोटातील आणखी एका जखमी कामगाराचा उपचारादरम्यान मृत्यू झाला. श्रद्धा पाटील (२२,धामणा) असे मृत्यू पावलेल्या कामगाराचे नाव आहे. या स्फोटात आतापर्यंत ८ जणांचा मृत्यू झाला आहे. प्रमोद चव्हारे नावाच्या कामगारावर अद्यापही उपचार सुरु असून त्याचीही प्रकृती चिंताजनक असल्याची माहिती आहे. तर शुक्रवारी जानसा म्हरसकोल्हे या कामागाराचा उपचारादरम्यान मृत्यू झाला होता.

धामणा गावाजवळील चामुंडी एक्स्पोलसिव्ह कंपनीत गुरुवारी सकाळी स्फोटकांला आग लागल्याने मृत्यू झाला होता. या स्फोटात ९ कामगार गंभीर जखमी झाले होते. त्यापैकी सहा कामगार प्रांजली मोदरे (२२, धामणा), प्राची फलके (२०), वैशाली क्षीरसागर (२०), शीतल चटप (३०) मोनाली अलोने (२७) आणि पन्नालाल बंदेवार (५०, सातनवरी) यांचा घटनेच्या दिवशीच मृत्यू झाला होता. तर तर श्रद्धा पाटील, प्रमोद चव्हारे आणि दानसा म्हरसकोल्हे या तिघांवर नागपुरातील खासगी रुग्णालयात उपचार सुरु होता. शुक्रवारी सायंकाळी जानसा म्हरसकोल्हे याचा उपाचारादरम्यान मृत्यू झाला होता. तर श्रद्धा पाटील आणि प्रमोद चव्हारे याच्यावर दंदे रुग्णालयात उपचार सुरु होता. उपचारादरम्यान शनिवारी दुपारी श्रद्धा पाटील हिचा मृत्यू झाला तर प्रमोद चव्हारेवर उपचार सुरु आहेत. 

Buldhana, farmer, cheated, died,
बुलढाणा : फसवणूक झालेल्या शेतकऱ्याची अखेर मृत्यूशी झुंज संपली, ‘सुसाईड नोट’मध्ये लिहिले ‘त्या’ तिघांनी मला…
gondia, boy died, drowning, mine,
गोंदिया : मुरमाच्या खाणीतील खड्ड्यात आंघोळ करणे जिवावर बेतले; मुलाचा बुडाल्याने मृत्यू
bhaindar uttan marathi news
भाईंदरच्या उत्तन येथील घटना, खड्ड्यात बुडून ६ वर्षीय मुलाचा मृत्यू
Malegaon, daughters, died,
वडिलांच्या अंत्यविधीसाठी जाताना दोन मुलींसह तिघांचा अपघातात मृत्यू
Accidental death of CID police officer at Pimple Saudagar
पिंपरी : सीआयडीतील पोलीस अंमलदाराचा पिंपळे सौदागर येथे अपघाती मृत्यू… झाले काय?
Pune Hit and Run Two on-duty policeman hit by speeding car
पुणे हिट अँड रन: ऑनड्युटी असलेल्या दोघांना भरधाव कारने उडवलं; पोलीस कर्मचाऱ्याचा मृत्यू, एक गंभीर
mazgaon babu genu mandai accident case
माझगावमधील बाबू गेनू मंडई दुर्घटना प्रकरण : कारवाईसाठीच्या मंजुरीअभावी आणखी एक महापालिका अभियंता दोषमुक्त
buffalo 24 buffaloes got electrocuted and died on the spot
ओढ्यात उतरलेल्या २४ म्हशींचा विजेचा धक्का बसून जागीच मृत्यू

हेही वाचा >>>विस्तव कायम! खासदार प्रतिभा धानोरकर यांच्या सत्कार सोहळ्यांपासून विजय वडेट्टीवार दूरच; काँग्रेसमध्ये…

नागपूर जवळील धामना येथे स्फोटके तयार करणारी चामुंडी एक्स्पोलसिव्ह कंपनी आहे. गुरुवारी सकाळी साडेआठ वाजता कंपनी सुरू झाल्यानंतर जवळपास १०० मजूर या कंपनीत कामाला गेले होते. या कंपनीत फटाक्याच्या वात बनविण्याच्या युनिटमध्ये जवळपास ९ मजूर काम करीत होते. दुपारी १ वाजताच्या सुमारास कंपनीत अचानक स्फोट झाल्यानंतर मोठा आवाज झाला. या स्फोटात होरपळून ९ कामगार गंभीर जखमी झाले. त्यामध्ये पाच महिलांसह ६ जणांचा घटनास्थळीच भाजून मृत्यू झाला. तीन जखमींवर खासगी रुग्णालयात उपचार सुरु होते. तिघापैकी दोन कामगारांचा उपचारादरम्यान मृत्यू झाला.

अनेक गावकऱ्यांची नागपुरात धाव

शनिवारी जानसा म्हरसकोल्हे याचा मृत्यू झाल्यानंतर गावकऱ्यांमध्ये हळहळ व्यक्त करण्यात आली. शनिवारी दुपारी श्रद्धा पाटील या कामगाराचा मृत्यूची बातमी धामणा गावात धडकली. त्यामुळे अनेक गावकऱ्यांनी नागपूरकडे धाव घेतली. गावातील अनेकांनी रुग्णालय परिसरात श्रद्धाच्या कुटुंबियांचे सांत्वन करीत त्यांना धीर दिला.

गावकऱ्यांमध्ये उफाळला रोष

 दंदे रुग्णालयात अत्यंत गंभीर जखमी अवस्थेत उपचार सुरु असलेल्या श्रद्धा पाटीलचा उपचारादरम्यान मृ्त्यू झाल्याची वार्ता गावात वाऱ्यासारखी पसरली. स्फोटातील आठवा मृत्यू झाल्यामुळए गावकऱ्यांमध्ये रोष उफाळला. अनेक गावकऱ्यांनी श्रद्धा हिच्या घरी जाऊन तिच्या कुटुंबियांना धीर दिला. काही गावकऱ्यांनी बैठक घेऊन या घटनेबाबत आपला रोष व्यक्त केल्याची माहिती समोर आली आहे.