अमरावती : पश्चिम विदर्भातील बाजारात भाजीपाल्‍याची आवक घटल्‍याने किमतीवर त्‍याचा परिणाम जाणवत असून बटाटा, कांद्यापाठोपाठ आता टोमॅटोचे दर वाढले आहेत. कांदा, बटाटा किरकोळ बाजारात ३० ते ४० रुपये किलो, तर टोमॅटो देखील ५० रुपये किलोपर्यंत विकला जात आहे. अमरावती कृषी उत्‍पन्‍न बाजार समितीत शुक्रवारी ५२८ क्विंटल कांद्याची आवक झाली. किमान ९०० रुपये तर कमाल २ हजार ८०० रुपये म्‍हणजे सरासरी १ हजार ८०० रुपये दर मिळाला. अकोला बाजार समितीत गुरूवारी सरासरी २ हजार ५०० रुपये प्रतिक्विंटल दर होता.

बाजारात सध्‍या स्‍थानिक कांद्याचीच आवक आहे. अमरावती विभागात साधारणपणे १३ ते १५ हजार हेक्‍टरवर रब्‍बी / उन्‍हाळ काद्यांची लागवड केली जाते. यंदा अवकाळी पावसामुळे कांदा पिकाचे मोठे नुकसान झाले आहे. विभागात कांद्याची फारशी साठवणूक केली जात नाही. सध्‍या बाजारात कांद्याची आवक कमी आहे. गेल्‍या आठवडाभरात अमरावती बाजार समितीत केवळ ५०० ते ९००‍ क्विंटल दररोज आवक झाली. सात दिवसांत अमरावती बाजार समितीत कांद्याचे घाऊक सरासरी दर १३०० रुपयांहून १८५० रुपये प्रति क्विंटलपर्यंत पोहचले आहेत. तर अकोल्‍यातील दर २२०० रुपयांहून २५०० रुपयांवर गेले आहेत.

Man Dies Due To Electric Shock While Washing Clothes In Washing Machine video
VIDEO: घरात वॉशिंग मशीनचा वापर करत असाल तर सावधान! कपडे धुताना व्यक्तीचा ३ सेंकदात अंत, नेमकं काय घडलं?
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली
sweating heat summer are you sweating more than others find your triggers
तुम्हाला इतरांपेक्षा जास्त घाम येतो का? हे कोणत्या आजाराचे कारण तर नाही ना? वाचा डॉक्टरांचे मत
Vacancy and infrastructural problem in health department under Buldhana Zilla Parishad
केंद्रीय आरोग्य मंत्र्यांच्या जिल्ह्यातील आरोग्य यंत्रणाच सलाईनवर! पायाभूत सुविधांची वानवा, रिक्त पदांचे ग्रहण
vegetables, prices,
फळभाज्या कडाडल्या : ‘या’ भाज्यांचे किलोचे दर शंभरी पार

हेही वाचा >>>विस्तव कायम! खासदार प्रतिभा धानोरकर यांच्या सत्कार सोहळ्यांपासून विजय वडेट्टीवार दूरच; काँग्रेसमध्ये…

बटाट्याच्‍या दरातही वाढ झाली आहे. उत्‍तर प्रदेश, मध्‍यप्रदेश, राजस्‍थान या राज्‍यांमध्‍ये बटाट्याचे उत्‍पादन मोठ्या प्रमाणात घेतले जाते. सर्वाधिक बटाट्याची शीतगृहे उत्‍तर प्रदेशात आहेत. उत्‍तरेकडील राज्‍यातील आवक ही येथील बाजारातील दर ठरवत असते. अमरावती बाजार समितीत शुक्रवारी केवळ ८४० क्विंटल बटाट्याची आवक झाली. किमान १४००, कमाल २४०० तर सरासरी १९०० रुपये दर मिळाला. आठवडाभरापुर्वी सरासरी दर १७०० रुपये होता. सात दिवसांत बटाट्याचे दर २०० रुपयांनी वाढले आहेत. नवीन बटाटा बाजारात येण्‍यास अजून चार ते पाच महिने लागणार आहेत. तोपर्यंत शीतगृहांमधील बटाट्यावर विसंबून रहावे लागणार आहे.

स्‍थानिक टोमॅटो संपल्‍याने आता मध्‍यप्रदेशातून टोमॅटोची आवक सुरू झाली आहे. अवकाळी पावसामुळे टोमॅटो पिकाचे मोठे नुकसान झाले. आवक कमी झाल्‍याने घाऊक दर आठवडाभरात २२०० रुपयांवरून २३०० रुपयांवर पोहचले आहेत. नवीन टोमॅटो येण्‍यास आणखी ४५ दिवसांचा कालावधी लागू शकेल. त्‍यानंतर टोमॅटोचे दर स्थिर होऊ शकतील, असे व्‍यापाऱ्यांचे म्‍हणणे आहे.

हेही वाचा >>>काँग्रेसला सुगीचे दिवस! मताधिक्य घटल्याने भाजप आमदार चिंतेत, मात्र काँग्रेसमध्ये…

अवकाळीचा फटका, त्‍यात वाहतुकीचा खर्चही निघत नसल्‍याने बाजार समित्‍यांमध्‍ये भाजीपाला पाठवणे परवडत नसल्‍याचे काही शेतकऱ्यांचे म्‍हणणे आहे. किरकोळ बाजारात भाज्‍याचे दर दुप्‍पटीने वाढल्‍याने गृहिणींचे बजेट कोलमडले आहे.शीतगृहे उघडल्‍यानंतर बाजारात बटाट्यांची आवक वाढेल, तेव्‍हा दर स्थिर होऊ शकतील, पण यंदा दर चढेच राहण्‍याची शक्‍यता आहे. कांद्याचे दरही आवक किती होते, यावर अवलंबून राहणार आहे. स्‍थानिक पातळीवर उपलब्‍ध होणारा टोमॅटो संपल्‍याने भाव वाढले आहेत. – दिनेश वाटाणे, भाजीपाला व्‍यापारी, अमरावती