“आसाममधील मंत्र्यांशी माझे चांगले संबंध, सरकारी कंत्राट मिळवून देतो…”, कंत्रादरांची दीड कोटींनी फसवणूक

निवृत्ती उत्तम नारखेडे (५९), विलास टेंभूर्णे आणि महेश कामडी अशी फसवणूक झालेल्या कंत्राटदारांची नावे आहेत. हे तिघेही मेसर्स इ. एन. पाटील अँड कंपनी नावाने सरकारी बांधकामाचे कंत्राट घेतात. व्यवसायानिमित्त नारखेडे यांची नागपुरातील कंत्राटदार हितेन मुनवत यांच्याशी ओळख होती. दरम्यान निला नवीन जैस्वाल (५२) ही मुनवत यांच्याकडे आसाम सरकारचे कामे घेऊन आली. मुनवत यांनी या कामाला नकार दिल्यानंतर जैस्वालने नारखेडेंशी संपर्क साधला. तिने मुंबईतल्या कांदिवलीतील नीलिमा अतुल देसाई (६३)हिच्याशी नारखेडेंची ओळख करून दिली. या दोघांनी आसाममधील तोतया अधिकारी दीपसर (४५) रा. दीपहू, आसाम, तपनशील (३५), पंकज (३५) रा. गुवाहाटी, आसाम याची नारखेडे यांची भेट घडवून आणली.

या टोळीने आसाम सरकारमधील अधिकाऱ्यांशी संबंध असल्याचे सांगत सरकारी कामाचे कंत्राट मिळवून देतो, असे आमिष नारखेडे यांना दाखवले. सर्वांनी नारखेडे यांना गुवाहाटीतही नेले. तिथे सहा जणांच्या टोळीने नारखेडेंकडून कंत्राटाचा दर करार करून घेतला. बनावट कागदपत्रे तयार करत ५ टक्के दराने या टोळीने आसाम सरकारची अधिकृत खरबी ॲटोनॉमस हिलस्टेशन ॲनालॉग कंपनीचे सुक्ष्म नाव वापरून केएएचएसी नारखेडे यांच्याकडून एक कोटींचा वटहुकूम तयार करून घेतला.

स्वतःला आसाम सरकारमधील मंत्र्यांचा ओएसडी भासवणाऱ्या दिपसरने नारखेडे यांच्याकडून लायझनिंग शुल्का पोटी १२ लाख ५० हजार आणि १० लाख रुपये रोख घेतले. तर ही बोलणी करून देण्यासाठी निला आणि नीलिमाने प्रत्येकी ६ लाख ५० हजार रुपये रोख घेतले. बनावट दस्तावेज तयार करून या टोळीने नारखेडेंकडून दीड कोटी उकळल्यानंतरही वर्क ऑर्डर मिळत नसल्याने नारखेडे यांना फसवणूक झाल्याचे लक्षात आले. त्यांनी दिलेल्या फिर्यादीवरून पोलिसांनी गुन्हा दाखल केला.