नागपूर : मध्य रेल्वेच्या नागपूर विभागात इटारसी-नागपूर दरम्यानच्या तिसऱ्या रेल्वेमार्गाचे काम सुरू असून त्याअंतर्गत पांढुर्णा स्थानकावर इलेक्ट्रॉनिक इंटरलॉकिंग आणि यार्डमध्ये फेरबदल करण्यात येणार आहे. त्यासाठी आमला-नागपूर आणि नागपूर-आमला मेमू रेल्वेगाड्या सात दिवस रद्द करण्यात येत आहेत. गाडी क्रमांक ०१३२४ (आमला-नागपूर) मेमू आणि गाडी क्रमांक ०२१०३ (नागपूर-आमला) मेमू २४ ते ३० मे २०२३ पर्यंत रद्द करण्यात येत आहे. तसेच गाडी क्रमांक ०१२०४ (आमला-नागपूर) मेमू आणि ०१३२३ (नागपूर-आमला) मेमू २४ ते ३० मे २०२३ दरम्यान धावणार नाही.
