गोंदिया: गोंदिया -कोहमारा राष्ट्रीय महामार्ग क्र. ७५३ वर बुधवारी सकाळी ९ वाजताच्या सुमारास ट्रक आणि प्रवासी वाहनात झालेल्या धडकेत तिघांचा मृत्यू झाला. पोलिसांनी दिलेल्या माहितीनुसार. गोंदियाकडून कोहमाराकडे जात असलेल्या ट्रकचा टायर फुटल्याने तो अनियंत्रित झाला. दरम्यान, समोरून येणाऱ्या प्रवासी वाहनाची त्याला धडक बसली. यात श्याम शंकर बंग (७०, रा. गोरेगाव) यांचा जागीच मृत्यू झाला, तर इतर दोघांचा गोंदियातील के.टी.एस. जिल्हा सामान्य रुग्णालयात उपचारादरम्यान मृत्यू झाला. या अपघातात चार जण जखमी झाले आहे. त्यांच्यावर के.टी.एस. जिल्हा सामान्य रुग्णालयात उपचार सुरू आहे. घटनेचा पुढील तपास महामार्ग पोलीस व डुग्गीपार पोलीस करीत आहे.