मंगळवारी जिल्ह्यात २४ तासांत ६५ नवीन करोनाग्रस्तांची भर पडली. ग्रामीण भागातील दोन डॉक्टर्सही बाधित झाले. सक्रिय करोनाग्रस्तांची संख्या ४२१ वर गेली. नागपूर जिल्ह्यात आढळलेल्या नवीन रुग्णांमध्ये शहरातील ४५, ग्रामीणचे २० अशा एकूण ६५ रुग्णांचा समावेश आहे. तर एकूण ३६ बाधित करोनामुक्त झाले. शहरात दिवसभरात १ हजार ७४८, ग्रामीणमध्ये ६३५ अशा एकूण २ हजार ३८३ संशयितांच्या चाचण्या करण्यात आल्या. ६५ जणांचे (२.७२ टक्के) अहवाल सकारात्मक आले.
