scorecardresearch

चंद्रपूर : घरी न सांगता पोहायला जाण्याचा बेत जीवावर बेतला, इरई नदीत बुडून दोन मित्रांचा मृत्यू

रविवारी सुटी असल्यामुळे दाताळा येथे इरई नदीच्या पात्रात पोहण्याचा आनंद घेण्यासाठी गेलेल्या रोहन बोबाटे (१७) व गौरव वांढरे या दोन मित्रांचा बुडून मृत्यू झाला.

चंद्रपूर : घरी न सांगता पोहायला जाण्याचा बेत जीवावर बेतला, इरई नदीत बुडून दोन मित्रांचा मृत्यू
संग्रहित छायाचित्र

रविवारी सुटी असल्यामुळे दाताळा येथे इरई नदीच्या पात्रात पोहण्याचा आनंद घेण्यासाठी गेलेल्या रोहन बोबाटे (१७) व गौरव वांढरे या दोन मित्रांचा बुडून मृत्यू झाला. ही घटना दुपारी उघडकीस आली. जिल्हा क्रीडांगण जवळीक लोकमान्य टिळक विद्यालयात दहाव्या वर्गात शिक्षण घेत असलेल्या या दोन मित्रांनी घरच्यांना न सांगता नदीत पोहायला जाण्याचा बेत आखला. त्यानुसार दुपारी ते नदीवर गेले.

हेही वाचा >>> अमरावतीच्‍या जिल्‍हा स्‍त्री रुग्‍णालयात आग; धुरामुळे चिमुकल्‍यांची प्रकृती गंभीर

नदी काठावर कपडे काढून आंघोळीसाठी पाण्यात उतरले. नदीला भरपूर पाणी असल्याने तिथेच बुडून त्यांचा मृत्यू झाला. यातील एकाचा मृतदेह मिळाला असून दुसऱ्याचा मृतदेह शोधण्याचे काम सुरू आहे. दोघेही दाताळा येथील राहणारे होते.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 25-09-2022 at 18:36 IST

संबंधित बातम्या