पार्टीसाठी गेलेले दोन युवक नदीपात्रात वाहून गेले

मित्राला वाचवलं, पण स्वतःला नाही; चंद्रपुरात काळजाचा ठोका चुकवणारी घटना!

नागपूर

March 1, 2026 20:01 IST

Vijay Yadav Wardha River Drowning Case Majri Chandrapur

माजरी येथील वर्धा नदीपात्रात बुडालेल्या विजय यादवचा शोध घेताना बचाव पथक आणि स्थानिक नागरिक.(संग्रहित छायाचित्र)

चंद्रपूर:पार्टीसाठी मित्रांसोबत नदीपात्राच्या पलीकडे जाऊन वैनगंगा नदीपात्रात आंघोळ करणारे दोन युवक वाहून गेल्याची घटना १ मार्च रोजी सायंकाळी ५ वाजताच्या सुमारास घडली आहे. यामध्ये वाहुन गेलेल्या युवकांचे नाव शुभम विजय सहारे (१९), शुभम पुष्पराज बगमारे ( २४) दोन्ही रा.खरकाडा ता.ब्रम्हपुरी असे आहे.

प्राप्त माहितीनुसार ब्रम्हपूरी तालुका मुख्यालयापासुन सुमारे १६ कि.मी. अंतरावर असलेल्या खरकाडा या गावातील ७ ते ८ युवक हे आज रविवार १ मार्च रोजी दुपारी १२ वाजताच्या सुमारास पार्टी करण्यासाठी म्हणून गावानजीक असलेल्या वैनगंगा नदीच्या काठावर गेले. त्यानंतर काही जणांनी आपण नदीच्या पात्राच्या पलीकडे जाऊन पार्टी करू म्हणून बेत आखला. त्यानंतर हे सर्व युवक नदीपात्र ओलांडून कोंढाळा च्या बाजूला गेले.

सर्वांची जेवण आटोपल्यावर यातील काही जण नदीपात्रात आंघोळ करत होते. तेव्हा शुभम बगमारे व शुभम सहारे हे युवक सुध्दा नदीपात्रात आंघोळ करायला लागले. तेव्हा पाण्याचा अंदाज न आल्याने दोघेही युवक वाहुन गेले आहेत.