भंडारा: तरूणीचा ‘विवस्त्र’ डान्स करतानाचा व्हिडीओ व्हायरल; डान्स हंगामाच्या नावावर अश्लिल नृत्य

तुमसर तालुक्यातील नाका डोंगरी येथे १८ नोव्हेंबर रोजी डान्स हंगामाचे आयोजन करण्यात आले होते. त्यासाठी नागपूर हून डान्स हंगामा पार्टीच्या नृत्यांगनांना पाचारण करण्यात आले होते. रात्री डान्स हंगामाचा कार्यक्रम सुरू झाला. सुरवातीला लावण्या आणि डान्स सुरू होते. हळूहळू कार्यक्रम रंगत गेला आणि रात्री २ वाजतानंतर कार्यक्रमाला अश्लीलतेचा रंग चढला. या हंगामात नृत्य करणाऱ्या एका तरुणीने एक एक करीत अंगावरील वस्त्र काढण्यास सुरूवात केली आणि क्षणातच ती विवस्त्र झाली. त्याच वेळी सोबतच्या तरुणाने सुध्दा तिच्या सोबत अश्लील नृत्य करण्यास सुरवात केली. त्यामुळे तरुण मंडळी शिट्टया वाजवून रंगात आली.

आणखी वाचा

पिंपरी-चिंचवडमध्ये आता ठाकरे गटाचे ‘होऊ द्या चर्चा’ अभियान

ट्रक ड्रायव्हरचा मुलगा निघाला लंडनला, बल्लारपूरच्या ध्येयवेड्या जयची सातासमुद्रापार शिक्षणवाट

“नागपूर कोणी बुडवले? तुमच्या तथाकथित विकासाचा आज चिखल झाला…” ठाकरे गटाच्या मुखपत्रातून टीका

जळगाव महापालिका शाळेत प्रौढ शिक्षणासाठी रात्रशाळा; जिल्हाधिकाऱ्यांची संकल्पना

हेही वाचा… राज्यावर अवकाळी पावसाचे संकट कायम; विदर्भातही पावसाची शक्यता

काही टवाळखोर तरुणांनी पैशांची उधळपट्टी करीत मंचाकडे येत या तरुणीची छेड काढण्यास सुरवात केली. काहींनी विवस्त्र तरुणीला स्पर्श करण्याचाही प्रयत्न केल्याचे या व्हिडिओमध्ये दिसत आहे. अश्लीलतेचा कळस गाठत डान्स करणारे तरुण तरुणी अचानक तोल जाऊन स्टेज खाली पडले. हा सर्व प्रकार शरमेने मान खाली घालावी लागणारा होता. या सर्व प्रकारचा कुणीतरी व्हिडीओ काढला. मात्र, दोन दिवस हा व्हिडिओ कुणाच्या हाती लागू नये याची काळजी घेण्यात आली. अखेर आज हा व्हिडीओ एका गृपवर व्हायरल झाला. या प्रकरणी कार्यक्रमाचे आयोजक आणि आर. के. डान्स हांगामा ग्रुपच्या संचालक व सदस्यांवर गोबरवाही पोलीस ठाण्यात विविध कलामांतर्गत गुन्हा दाखल करण्यात आला आहे.

पोलिस अनभिज्ञ

डान्स हंगामाच्या नावाखाली अश्लील नृत्य होण्याचा प्रकार आता नवीन नाही. मात्र, या सर्व प्रकारापासून पोलीस अनभिज्ञ असल्याचे दिसत आहे. आताही काही गावांमध्ये असे डान्स हंगामाचे कार्यक्रम सुरू असल्याची माहिती आहे. डान्स हंगामात मारहाण आणि तरुणीची छेड काढण्याचे प्रमाण वाढलेले असताना पोलिसांची भूमिका मात्र बघ्याची असते.