घे भरारी! चिमूरड्या अर्णवची थाय बॉक्सिंग स्पर्धेत राष्ट्रीय पातळीवर सुवर्णझेप

तेलंगणाचे मुख्यमंत्री के.चंद्रशेखर राव यांच्या हस्ते पदक स्वीकारून तो गावी परतला आहे. थाय बॉक्सिंगमध्ये मेरी कोमने ऑलिम्पिक स्पर्धेत पदक प्राप्त करत भारताचे नाव उंचावले होते. आता अर्णवची वाटचाल त्यादिशेने सुरू आहे. त्याला लहानपणापासून या खेळाची आवड असल्याचे त्याचे वडील जयराज नाथजोगी सांगतात. अशी आवड असल्याने त्याला आर्वीतीलच मोहम्मद सलीम यांच्याकडे सरावासाठी पाठविले. कराटेत तो निष्णात झाला. त्यानंतर थाय बॉक्सिंगकडे वळला. तरबेज झाल्यावर त्याने सर्वप्रथम जिल्हा स्पर्धा जिंकली. यानंतर नगरमध्ये झालेल्या राज्यस्तरीय स्पर्धेत अर्णवने रजतपदक प्राप्त केले. त्याची निवड राष्ट्रीय स्पर्धेसाठी झाली. येथून तो सुवर्णपदक जिंकूनच घरी आला.

आणखी वाचा

नागपूरकर ओजस देवतळेची ‘सुवर्ण’ कामगिरी; आशियाई क्रीडा स्पर्धेत तिरंदाजी या प्रकारात सलग तिसरे सुवर्णपदक

Asian Games 2023: चीनमध्ये घुमला महाराष्ट्राचा आवाज! मराठमोळ्या अविनाश साबळेची सुवर्णपदकाला गवसणी

कोण होईल सर्वात आळशी नागरिक? गेल्या २० दिवसांपासून लोळत पडले आहेत स्पर्धक, ‘या’ देशात सुरू आहे विचित्र स्पर्धा

केएल राहुलचा उत्तुंग षटकार पाहून कप्तान रोहितने लावला डोक्याला हात, विराटकडूनही दाद, पाहा VIDEO

हेही वाचा : वाशीम: वीज पडून महिलेचा मृत्यू, चार जनावरेही दगावली

आता त्याची निवड काठमांडू येथे होणाऱ्या दक्षिण आशियाई अजिंक्यपद स्पर्धेसाठी झाली आहे. येथेही तो विजेता ठरेल, असा विश्वास वडील जयराज व आई ॲड. प्रेरणा नाथजोगी यांना आहे. वडील दिवसभर शिक्षक म्हणून लगतच्या खेड्यातील शाळेत व्यस्त तर आई न्यायालयात वकिली करीत असूनही अर्णवचे अभ्यासातील लक्ष तसूभरही कमी झाले नाही. वर्गात त्याचा पहिला क्रमांक चूकला नाही. तसेच वक्तृत्व स्पर्धेतही तो अव्वल असल्याचे कुटुंबाचे स्नेही अविनाश टाके सांगतात. तर अर्णव म्हणतो की बॉक्सिंग ही माझी आवड असून त्यात नाव कमविण्याचे ध्येय ठेवले आहे.