वाशीम : ऐन लोकसभा निवडणुकीच्या तोंडावर वाशीम -यवतमाळ लोकसभा मतदार संघाच्या खासदार भावना गवळी अडचणीत सापडल्या आहेत. सरकारमध्ये सहभागी असतानाही शिवसेना शिंदे गटाच्या खासदार भावना गवळी यांच्या संस्थेचे खाते आयकर विभागाने गोठवले असल्याची माहिती समोर येत आहे. त्यातच मुख्यमंत्री शिंदे यांच्या शिवसंकल्प अभियान मधून अचानक यवतमाळ वाशीम लोकसभेचा कार्यकर्ता मेळावा रद्द केल्याने लोकसभेची जागा भाजपच्या पारड्यात तर गेली नाही ना? यावरून शंका व्यक्त केली जात आहे.

हेही वाचा : यवतमाळ वाशीम लोकसभा मतदारसंघात भाजपकडून धक्कातंत्र; भावना गवळी यांच्या ऐवजी महायुतीकडुन एका बड्या नेत्याच्या नावाची चर्चा !

Nagpur, smart prepaid meters, Devendra Fadnavis, Anti Smart Electric Meter Citizen Struggle Committee, Mahavitaran, protest, electricity sector
सरकारवर लोकांचा विश्वास नाही? स्मार्ट प्रीपेड मीटरविरोधात पुन्हा आंदोलन…
devendra fadnavis meets maharashtra governor ramesh bais at raj bhavan zws
फडणवीस यांच्या राज्यपाल भेटीमुळे तर्कवितर्क; बारा आमदारांच्या नियुक्त्या होणार?
Ajit Pawar vilas lande
अजित पवारांच्या चिंता वाढली? आमदार विलास लांडे शरद पवारांच्या संपर्कात? जवळचा मित्र म्हणाला, “त्या भेटीनंतर…”
cases, MP, MLA, High Court,
खासदार, आमदारांच्या खटल्यांचा तपशील द्या, उच्च न्यायालयाचे सर्व जिल्ह्यांच्या प्रधान न्यायाधीशांना आदेश
OBC, chhagan Bhujbal,
भाजपचे ‘ओबीसी’ नेतृत्व मागच्या बाकावर, केंद्रस्थानी भुजबळ
mahant raju das ayodhya
भाजपाच्या लोकसभा निवडणुकीतील कामगिरीवरून अयोध्येच्या महंतांचा जिल्हाधिकार्‍यांशी वाद; कोण आहेत महंत राजू दास?
Who spent money on Sunetra Pawars campaign
सुनेत्रा पवार यांच्या प्रचाराचा खर्च कोणी केला?
Savitri Thakur Viral Video of Beti Bachao Beti Padhao
मोदींच्या मंत्रिमंडळातील महिला मंत्री ‘बेटी बचाओ, बेटी पढाओ’ लिहिताना अडखळल्या, फळ्यावर काय लिहिलं एकदा वाचाच!

खासदार भावना गवळी यांच्या महिला उत्कर्ष प्रतिष्ठान संस्थेबाबत २९ डिसेंबर रोजी आयकर विभागाने भावना गवळी यांना नोटीस दिली होती. आयकर विभागाने पाच जानेवारीपर्यंत भावना गवळी यांना उत्तर मागितले होते. मात्र भावना गवळी प्रत्यक्ष तिथे उपस्थित राहिल्या नाहीत. त्यांनी प्रतिनिधी पाठवून नोटीसला उत्तर दिल्याने आयकर विभागाचे समाधान झाले नसल्याने आयकर विभागाने अखेर महिला उत्कर्ष प्रतिष्ठान या संस्थेची खाती गोठवली असल्याची माहिती समोर येत आहे. त्यातच मुख्यमंत्री एकनाथ शिंदे यांचे शिवसंकल्प अभियान आधी ६ जानेवारी रोजी यवतमाळ वाशीम येथून होणार होते. त्यात बदल करून २० जानेवारी रोजी सुधारित दौरा आयोजित करण्यात आला होता. परंतू तिसऱ्या दौऱ्यात वाशीम यवतमाळ लोकसभा मतदार संघातील कार्यकर्ता मेळावा रद्द करण्यात आला आहे. या घडामोडी मुळे होऊ घातलेल्या लोकसभा निवडणुकीत यवतमाळ वाशीम लोकसभेची जागा भाजपच्या वाट्याला गेली तर नाही ना? यावरून चर्चा रंगत आहे. ही जागा शिंदे गटाकडे राहणार? की भाजप कडे गेल्यास त्यांच्याकडून कुणाला मैदानात उतरविणार या बाबत मतदार संघात उत्सुकता आहे.