Yogi Adityanath Akola criticizes Congress माझ्यासाठी देश व सनातन धर्माशिवाय दुसरे काही नाही, मुख्यमंत्री योगी आदित्यनाथ यांचा हल्लाबोल, ‘काँग्रेसचे अस्तित्व…’

अकोला येथे महायुतीच्या उमेदवारांच्या प्रचारार्थ मंगळवारी दुपारी आयोजित जाहीर सभेत योगी आदित्यनाथ बोलत होते.

Yogi Adityanath criticizes Congress, Yogi Adityanath Akola, Akola,

माझ्यासाठी देश व सनातन धर्माशिवाय दुसरे काही नाही, मुख्यमंत्री योगी आदित्यनाथ यांचा हल्लाबोल, ‘काँग्रेसचे अस्तित्व…’ (छायाचित्र - लोकसत्ता टीम)

अकोला : जातीच्या नावावर वाटणाऱ्या काँग्रेसने १९४७ पासून देशासोबत विश्वासघात केला. काँग्रेसचे अस्तित्व आता संपवण्याची वेळ आली आहे, असा हल्लाबोल उत्तर प्रदेशचे मुख्यमंत्री व भाजप नेते योगी आदित्यनाथ यांनी आज येथे केला.

अकोला येथे महायुतीच्या उमेदवारांच्या प्रचारार्थ मंगळवारी दुपारी आयोजित जाहीर सभेत ते बोलत होते. व्यासपीठावर प्रदेशाध्यक्ष चंद्रशेखर बावनकुळे, खासदार अनुप धोत्रे, उमेदवार रणधीर सावरकर व घटक पक्षांचे पदाधिकारी उपस्थित होते. ‘कटेंगे तो बटेंगे’ असा नारा देत योगी आदित्यनाथ यांनी विरोधकांचा खरपूस शब्दात समाचार घेतला.

आणखी वाचा

Yogi Adityanath who made the statement Batenge to Katenge now has a different slogan Pune news

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

Eknath Shinde : तुम्ही गृहखातं, विधानसभा अध्यक्षपद मागितलं…

yogi Adityanath told mahavikas aghadi problem

काँग्रेस आघाडी ‘समस्या’; तर भाजपा महायुती ‘समाधान’ – योगी आदित्यनाथ

Priyanka Gandhi statement regarding those who show BJP flags during road shows

रोड-शो दरम्यान भाजपचे झेंडे दाखवणाऱ्यांना प्रियंका गांधी म्हणाल्या, तुम्हाला शुभेच्छा मात्र…

‘निवडणुकीची तुलना धर्म युद्धाशी नको’, व्होट जिहादच्या मुद्द्यावर स्वामी गोविंददेव गिरींनी व्यक्त केलं परखड मत

Navneet Rana : “मी बाळासाहेबांची मुलगी…”, अमरावतीतील राड्याप्रकरणी नवनीत राणांची उद्धव ठाकरेंवर तोफ; म्हणाल्या…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

हेही वाचा – ‘बटेंगे तो कटेंगे यासाठी म्हणतो’, मुख्‍यमंत्री योगी आदित्‍यनाथ यांची स्पष्टोक्ती, ‘रझाकारांच्या अत्‍याचारांवर..’

पुढे योगी आदित्यनाथ म्हणाले, महाराष्ट्र ही संत, महापुरुषांची पुण्यभूमी आहे. छत्रपती शिवाजी महाराजांनी सर्वांना एकत्रित करून हिंदवी स्वराज्याची स्थापना केली. भारतासाठी ते सदैव प्रेरणादायी आहेत. डॉ. बाबासाहेब आंबेडकर, लोकमान्य बाळगंगाधर टिळक, बाजीराव पेशवे यांनी आदर्श घडवला. त्यांच्या प्रेरणेतून देश व समाजासाठी कार्य केले जात आहे.

१९४७ पासून निरंतर सत्ता चालवण्याची संधी काँग्रेसला मिळाली होती. मात्र, काँग्रेसने देशासोबत धोका केला. अखंड भारताचे तुकडे केले. आता काँग्रेस अध्यक्ष खरगे माझ्यावर राग व्यक्त करीत आहेत. माझ्यापेक्षा हैदराबादच्या निजामावर त्यांनी राग काढावा. माझ्यासाठी देश व सनातन धर्माशिवाय दुसरे काही नाही.

निजामाच्या अत्याचारावर पडदा टाकण्याचे काम काँग्रेस करीत आहे, असा आरोप योगी आदित्यनाथ यांनी केला. जिथे विभागणी होते, त्याच ठिकाणी हिंदू उत्सवादरम्यान दगडफेक होते. त्यामुळे मतांचे विभाजन होऊ देऊ नका. महाविकास नव्हे तर महाअडाणी आघाडी विरोधात आहे. ते लव जिहाद, लँड जिहाद सारख्या प्रकाराला प्रोत्साहन देतात. त्यामुळे चुकूनही त्यांचा विचार करू नका. अन्यथा आपले सण गणेशोत्सव, रामनवमीच्या मिरवणुकीवर दगडफेक होईल. निवडणुकीत कुठल्याही परिस्थितीत वाटले जाऊ नका, असे आवाहन योगी आदित्यनाथ यांनी केले.

हेही वाचा – मुख्यमंत्री शिंदे म्हणतात, “धनुष्य चोरायला ते काही खेळणं आहे का? लाडक्या बहिणींना एकविसशे रुपये…”

पंतप्रधान नरेंद्र मोदी यांच्या नेतृत्वात आता नवीन भारताच्या सीमा सुरक्षित आहे. ५०० वर्षांत जे कार्य झाले नाही, ते नरेंद्र मोदींच्या नेतृत्वात अयोध्यामध्ये भव्य राम मंदिर उभारून झाले. हा डबल इंजिन सरकारचा लाभ आहे. सर्व समस्यांचे समाधान केवळ डबल इंजिन सरकार असू शकते, असे देखील ते म्हणाले.

महायुतीचाच मुख्यमंत्री होणार – बावनकुळे

२० तारखेची निवडणूक १४ कोटी जनतेच्या दृष्टीने महत्त्वाची आहे. काँग्रेस नेत्यांचा लाडकी बहीण योजनेला विरोध आहे. काँग्रेसने काहीही केले तरी भाजप लाडकी बहीण योजना सुरूच ठेवेल. केंद्र आणि राज्य सरकारच्या ५८ योजना प्रभावीपणे राबवणार आहे. निवडणुकीनंतर महायुतीचाच मुख्यमंत्री होणार आहे, असा विश्वास प्रदेशाध्यक्ष चंद्रशेखर बावनकुळे यांनी व्यक्त केला. तिकीट दिले नाही म्हणून समोर काही गद्दार उभे आहेत, अशा शब्दात त्यांनी बंडखोरांवर देखील निशाणा साधला.

Web Title: Yogi adityanath akola criticizes congress ppd 88 ssb