20 September 2020

News Flash

जिल्ह्यात ४१ हजार ६३४ रुग्ण करोनामुक्त

शहराबरोबर ग्रामीण भागात रुग्णसंख्या वाढत आहे.

(संग्रहित छायाचित्र)

नाशिक : जिल्ह्यात दैनंदिन करोनाबाधितांची संख्या वाढत असताना दुसरीकडे बरे होणाऱ्या रुग्णांचे प्रमाणही वाढत आहे. जिल्ह्यातील करोनाबाधितांचा आकडा ५४ हजारांचा टप्पा ओलांडण्याच्या मार्गावर असून यातील ४१ हजार ६३४ रुग्ण बरे झाले आहेत. तर आतापर्यंत १०६४ जणांचा मृत्यू झाला. सद्य:स्थितीत जवळपास ११ हजार रुग्णांवर उपचार सुरू आहेत. शहराबरोबर ग्रामीण भागात रुग्णसंख्या वाढत आहे.

जिल्ह्यातील करोनास्थितीची माहिती जिल्हा रुग्णालयाचे निवासी वैद्यकीय अधिकारी डॉ. अनंत पवार यांनी दिली. सोमवारी सकाळपर्यंत जिल्ह्य़ातील करोनाबाधितांचा आकडा ५३ हजार ५१६ इतका आहे.

यातील ७७.८० टक्के रुग्ण बरे झाले. रुग्ण बरे होण्याची टक्केवारी नाशिक ग्रामीणमध्ये ६८.६१ टक्के, नाशिक शहरात ८१.२८, मालेगावमध्ये ७५.८१  टक्के तर जिल्हा बा रुग्णांचे बरे होण्याचे प्रमाण ८३.२१ टक्के आहे. करोनामुळे आतापर्यंत नाशिक ग्रामीणमध्ये ३१८, नाशिक महानगरपालिका क्षेत्रात ५९४, मालेगाव महानगरपालिका क्षेत्रात १२६ आणि जिल्ह्य़ाबाहेरील २६ अशा एकूण १०६४  रुग्णांचा मृत्यू झाला आहे.

सध्या उपचार घेणाऱ्या रुग्णांमध्ये ग्रामीण भागात तीन हजार ८८१ रुग्ण आहेत. यात नाशिक तालुक्यात ५५५, चांदवड १७०, सिन्नर ५६२, दिंडोरी ९९, निफाड ८६८, देवळा ८२,  नांदगाव ४५१, येवला ११४, त्र्यंबकेश्वर ५०, सुरगाणा दोन, पेठ नऊ, कळवण ७०, बागलाण २९९, इगतपुरी १५७, मालेगाव ग्रामीण ३३८ रुग्णांचा समावेश आहे. नाशिक महानगरपालिका क्षेत्रात सहा हजार २८१ रुग्ण उपचार घेत आहेत. मालेगाव महानगरपालिका क्षेत्रात ६३८  तर जिल्ह्याबाहेरील १८ असे एकूण १० हजार ८१८ रुग्णांवर उपचार सुरू आहेत.

आकडेवारी लक्षात घेतल्यास शहराप्रमाणे ग्रामीण भागात करोनाचा प्रादुर्भाव वाढत आहे. निफाड, सिन्नर, नांदगाव, नाशिक, मालेगाव या तालुक्यांत रुग्ण अधिक असल्याचे दिसून येते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 15, 2020 3:07 am

Web Title: 41 thousand 634 patients recovered from covid 19 nashik district zws 70
Next Stories
1 ग्रामीण भागातील अडीच हजार शाळांमध्ये वाचनालय
2 मराठा क्रोंती मोर्चाने शांतताभंग होऊ देऊ नये
3 आडगाव शिवारात बिबटय़ा मृतावस्थेत आढळला
Just Now!
X