‘म्युरल्स’ म्हणजे एक कोरीव कलाकृती. ही कलाकृती जेव्हा घरात लावली जाते, तेव्हा घराची शोभा वाढतेच, शिवाय घर असो वा कार्यालय ते अधिकच उठून दिसते. अशा प्रकारच्या ‘थ्रीडी म्युरल्स’ शिकविण्यासाठी येथील आशा क्रिएशनतर्फे १२ ते २२ मे या कालावधीत खास कार्यशाळेचे आयोजन करण्यात आले आहे. पारिजातनगरलगतच्या वनविहार कॉलनीतील २१ कृष्णाई बंगल्यात ही कार्यशाळा होईल. या कार्यशाळेत मुंबईचे चंद्रा रावल हे तज्ज्ञ सिमेंट ब्लॉकमध्ये थ्रीडी म्युरल कशी साकारावीत याचे तंत्रशुद्ध प्रशिक्षण देणार आहेत. दररोज सकाळी दहा ते सायंकाळी सहा या वेळेत होणाऱ्या कार्यशाळेत प्रवेशासाठी कोणतीही वयोमर्यादा नाही. पुरुष आणि महिला अशा दोघांनाही प्रवेश खुला आहे. या संदर्भात अधिक माहितीसाठी उपरोक्त पत्त्यावर अथवा माधवी पाठक यांच्याशी ९८२२६ ३४०५९ या क्रमांकावर संपर्क साधावा, असे आवाहन करण्यात आले आहे.