घोटी पोलीस ठाण्यात गुन्हा दाखल

शेतीकाम येत नाही म्हणून पतीकडून झालेल्या मारहाणीत विवाहितेचा मृत्यू झाला. या प्रकरणी घोटी पोलीस ठाण्यात संशयिताविरुद्ध गुन्हा दाखल करण्यात आला आहे.

इगतपुरी तालुक्यातील धामणी गावात रमेश जाधव कुटुंबासमवेत राहतात. पत्नी सविता (३६) हिला शेतीचे काम येत नाही, या कारणावरून रमेश याचा पत्नीशी सातत्याने वाद होत असे. सोमवारी दोघांमध्ये पुन्हा एकदा वाद झाला. त्या वेळी रमेशने सविताला जबर मारहाण केली. छातीला मार बसल्याने गंभीर दुखापत झाली. नाशिक येथे खासगी दवाखान्यात उपचार सुरू असताना रात्री सविताचा मृत्यू झाला. या प्रकरणी सविताच्या माहेरच्या मंडळींनी संशयित रमेशविरुद्ध घोटी पोलीस ठाण्यात गुन्हा दाखल केला आहे.