नाशिक : नाशिक-दिल्ली विमान सेवेसाठी दिल्ली विमानतळावर वेळ मिळण्यास (टाइम स्लॉट) लवकरच नागरी उड्डाण मंत्रालयाची मान्यता मिळणार आहे. यामुळे ही सेवा सुरू होण्यातील मोठा अडथळा दूर होणार असून येत्या २५ सप्टेंबरपासून नाशिक-दिल्ली विमानसेवेला सुरुवात होईल, अशी माहिती खासदार हेमंत गोडसे यांनी दिली.

नाशिक-दिल्ली दरम्यानच्या विमान सेवेला प्रवाशांचा चांगला प्रतिसाद मिळाला होता. नाशिकहून इतर शहरांसाठी सुरू झालेल्या विमान सेवांना फारसा प्रतिसाद मिळालेला नसताना दिल्लीसाठी नाशिककरांनी दाखविलेल्या उत्साहामुळे ही सेवा स्थिरस्थावर होण्याची अपेक्षा वाढली होती. त्यातच जेट एअरवेज कंपनी डबघाईस आल्यामुळे ही सेवा बंद झाली होती.

Inspiring story of Mumbai's varun sawant who is autistic chef and ultra marathoner
गोष्ट असामान्यांची Video: ऑटिस्टक शेफ आणि अल्ट्रा मॅरेथॅानर वरुण सावंतचा प्रेरणादायी प्रवास
pm narendra modi pune visit marathi news, pm modi pune 6 march marathi news,
मोठी बातमी : पुणे मेट्रो रामवाडीपर्यंत ६ मार्चपासून धावणार; पंतप्रधानांच्या हस्ते उद्घाटन होणार
houses sold in Mumbai
मुंबईमध्ये फेब्रुवारीत ११ हजार ८३६ घरांची विक्री, मागील १२ वर्षांतील फेब्रुवारीमधील सर्वाधिक घरविक्री
Jamtara Train accident
झारखंडच्या जामतारा स्थानकाजवळ मोठी दुर्घटना, रेल्वेची १२ प्रवाशांना धडक, दोन जणांचा मृत्यू

अन्य विमान कंपनीने ही सेवा चालवावी यासाठी पाठपुरावा झाल्यानंतर उडाण योजनेंतर्गत इंडिगो कंपनीला नाशिक-दिल्ली विमान सेवा सुरू करण्यास परवानगी देण्यात आली. २५ सप्टेंबरपासून ही सेवा सुरू होणार आहे. या माध्यमातून नाशिक पुन्हा देशाच्या राजधानीशी हवाईमार्गे जोडले जाईल. या सेवेची तारीख जाहीर झाली असली तरी विमानास उड्डाण, उतरण्यास दिल्ली विमानतळावर वेळ मिळणे आवश्यक ठरते. इंडिगो कंपनीने त्यासाठी उड्डाण मंत्रालयाकडे पाठपुरावा केला. दिल्ली विमानतळावर लवकरच ही वेळ दिली जाणार असल्याचे मंत्रालयाने पत्राद्वारे कळविले असल्याचे खासदार गोडसे यांनी सांगितले.